«So'g'diyona»-«Olmaliq» (1:0) uchrashuvidan keyin tashkillashtirilgan matbuot anjumanida mezbonlar bosh murabbiyi Davron Fayziev ishtirok etdi.
— O'yin har doimgidek asabiy, qo'pol hatolar ostida o'tdi. Yaxshiyamki, bugun omad bizga kulib boqdi. Rostini aytsam bunday asabiylashishda, gapirolmay ham qolayapman. Bugun juda qiyin o'yin bo'ldi. Oltinga teng ochkoni qo'lga kiritdik. Qolgan o'yinlarda hato qilishga haqqimiz yo'q. 29-turdan 30-turgacha ikki hafta tanaffus. Bu orada qaysi jamoa qanday tayyorgarlik olib borsa o'sha jamoa mavsumni yaxshi natijalar bilan tugatishi mumkin. Shogirdlarim bilan «tarbiyaviy soat» o'tmasa bo'lmaydigan bo'lib qoldi. Yuta turib «qizil» olib chiqib ketish… Umuman olganda ogohlantirishlar ko'payib bormoqda. To'g'ri, «Qo'qon-1912» jamoasida bizning bir qator sobiq futbolchilarimiz harakat qilishadi. Bu futbol — bir jamoada o'ynagan futbolchi boshqa jamoada ham o'naydi. Hech kim oldindan u o'yin unday, bu o'yinda bunday o'yin ko'rsata olamiz deb ayta olmaydi. Maydonda hamma narsa o'zgarib ketishi mumkin. Futboldagi tahminlar ba'zida o'zini oqlasa, ba'zida oqlamasligi mumkin.
— deya xabar beradi uff.uz nashri.