"Bavariya" klubi sobiq yarim himoyachisi va ayni vaqtda "Stok Siti" sharafini himoya qilayotgan Jerdan Shakiri nima sababdan myunxenliklar safidan ketganini aytib o'tdi. Shveytsariya terma jamoasi yarim himoyachisining ta'kidlashicha, bunga Xosep Gvardiola sababchi bo'lgan.
"Bavariya"da Gvardiola qo'l ostida baxtsiz odamga aylandim. Bunga qadar esa ko'p o'yinlarda maydonga tushgan va jamoaga sovrinlar yutib olishida yordam bergan edim. Ammo birdan meni maydonga tushirmay qo'yishdi va o'rnimga boshqa futbolchilar o'ynay boshladi. Bu futbolchilar avval jamoada bunday mavqega ega emas edi.
Tabiiyki bu holatdan ko'nglim qoldi. Ta'kidlashim lozim, raqobatdan hech qachon qo'rqmayman. Har doim o'z o'yinim bilan Gvardiolaga noto'g'ri qaror qabul qilayotganimni ko'rsatib kelganman", - deydi Shakiri.
Eslatib o'tamiz, Shakiri 2012 yildan to 2015 yilga qadar "Bavariya" sharafini himoya qilgan edi.
— deya xabar beradi uff.uz nashri.