"Manchester Yunayted" bosh murabbiyi Joze Mourino hujumchi Zlatan Ibrahimovich "PSJ"dan ketgani uchun frantsiyalik muxlislar xursand bo'lishi lozimligini aytib o'tdi.  Murabbiyning ta'kidlashicha, Ibrahimovich ketgach Frantsiya chempionatida jamoalar o'rtasida raqobat kuchaygan.
"Menimcha Zlatan "PSJ"dan ketgani uchun frantsuzlar xursand bo'lishlari lozim. Chunki endi ularda haqiqiy chempionat bor.
Zlatan bor vaqtda esa chempionat yo'q edi. Faqat Parij, Parij va yana Parij bor edi. Barcha sovrinlarni "PSJ" yig'ib olayotgandi.
Endi esa chempionat bor va bu chempionatni men ham kuzatib bormoqdaman. Men uchun Balotellisi bor "Nitstsa", mening do'stim Jardimga tegishli "Monako" va "PSJ" mavjud va ularning o'yinini tomosha qilmoqdaman.
Ibrahimovich Frantsiya chempionatidan ketgani uchun esa rahmat aytishlaring lozim", - deydi Mourino.
— deya xabar beradi uff.uz nashri.