Xabaringiz bor, kuni kecha «Andijon» klubining sobiq himoyachisi Javlon Guseynov Tailandning «Chainat Xornbill» klubi bilan shartnoma imzolab, xorijda faoliyat ko'rsatayotgan legionerlarimiz sonini yana bittaga oshirdi. Garchi mazkur jamoa yakuniga etgan mavsumda Tailand oliy ligasida 17-o'rinni egallab, quyi ligaga tushib ketgan bo'lsa-da, o'z oldiga jiddiy maqsadlarni qo'ygan. Deylik, rahbarlar shu mavsumdayoq elitaga qaytishni ko'zlashgan va tarkib ham shunga yarasha jamlandi. Ma'lumot uchun, «Chainat Xornbill» jamoasida frantsiyalik mashhur futbolchi Floran Sinama Panol, shuningdek, yaponiyalik Kazuto Kushida, braziliyalik Reys, Renan Silva, Uesli Aleks kabi legionerlar to'p tepishadi. Mana endi Javlon Guseynov ham yagona maqsadga yo'lida tarkibdan joy egalladi. Biz Tailandda bo'lib turgan Javlon Guseynov bilan bog'lanib, undan gazetamiz uchun maxsus intervyu oldik. - Javlon, aytingchi, Tailand varianti qachon va qanday paydo bo'ldi? - Ochig'ini aytsam, Tailand chempionatida o'tgan yili to'p surishim ham mumkin edi. Lekin ayrim sabablarga ko'ra bu transfer amalga oshmay qolgandi. Shuning uchun faoliyatimni «Andijon»da davom ettirishga qaror qilgandim. - Qiziq, «Chainat Xornbill» klubi o'tgan mavsumda oliy ligada qatnashar edi. Hozir esa jamoa birinchi ligaga tushib ketgan. Bu holat sizni o'ylantirmadimi? - To'g'risi, bu haqda juda ko'p o'yladim. Ammo, yakunda baribir, Tailand klubiga o'tishga qaror qildim. Chunki sharoitlar zarracha ham o'zgarmagan. Ular bir yil oldin menga nima va'da qilishgan bo'lsa, hozir ham o'sha fikrda turishibdi. Shuning uchun ham bu taklifga rozi bo'ldim. - Transferning o'tgan yili amalga oshmay qolishiga nima sabab bo'lgandi? Ehtimol, «Andijon» klubi rahbarlari sizni qo'yib yuborishni istashmagandir? - Yo'q, bunday emas. Gap shundaki, kutilmaganda ba'zi hujjatlarga bog'liq muammolar yuzaga keldi. «Andijon» bilan esa tuzgan shartnomam esa yakuniga etgandi va men klubni erkin agent sifatida tark etish huquqiga ega edim. - «Chainat Xornbill» bilan tuzilgan shartnoma qancha muddatga mo'ljallangan? - Biz 2017 yilning dekabr oyiga qadar amalda bo'ladigan kelishuvga erishdik. Bundan tashqari, yangi jamoam safida ikkita o'yin o'tkazishga ham ulgurdim. Har ikkala uchrashuv ham o'rtoqlik maqomida bo'lib, ularda Tailandning oliy ligasida ishtirok etadigan jamoalari bilan kuch sinashdik. Bu erdagi sharoitlarni a'lo darajada, deyishim mumkin. Hech narsani o'ylamasdan, faqat futbol o'ynash mumkin.  - Hozircha klub bazasida yashayotgan bo'lsangiz kerak-a? - Yo'q. Klub rahbariyati meni alohida uy bilan ta'minlagan. Shuningdek, mashina ham sovg'a qilishdi. - Klub bazasi, jamoaning uy stadioni, muxlislar, umuman, dastlabki taassurotlar qanday? - Bilasizmi, hech kim klub bazasida tunab qolmas ekan. Bazadan asosan, kuniga ikki mahal mashg'ulotlar bo'lganidagina foydalaniladi. Stadion esa unchalik katta emas - 12 000 tomoshabinga mo'ljallangan. Muxlislarning futbolga qiziqishini ularning har bir mashg'ulotimizga kelayotganidan ham bilsa bo'ladi. - Jamoa safida sizdan tashqari yana boshqa legionerlar bormi? Davomi iff.uz saytida.
— deya xabar beradi uff.uz nashri.