Birinchi urinishdayoq aniqlay olasizmi, qaysi murabbiy qo'l ostidagi jamoaga futbolchi jalb etish chog'ida eng ko'p mablag' sarflangan? Soccer.ru bu borada o'ziga xos tadqiqot o'tkazib, klub tarkibi uchun yo'naltirilgan pullarni qo'lga kiritilgan sovrinlar soniga solishtirdi. Natijada, 10 nafar mutaxassisdan iborat reyting tuzildi. Bugun ushbu ro'yxatdan o'rin olganlar bilan tanishtirmoqchimiz. 10-o'rin. Lui van Gal (Gollandiya) - bitta sovrin uchun 31,9 mln. evro Klublari: «Ayaks», «Barselona», AZ, «Bavariya», «Manchester Yunayted» Sotib olingan futbolchilar (transferlar umumiy qiymati): 64 (637,72 mln. evro) Jamg'arilgan sovrinlar soni: 20ta Van Gal murabbiylik faoliyatining eng gullagan davrida «samarali menejer» taxallusiga loyiq ko'rilgan: olti yil mobaynida «Ayaks»ni boshqargan mutaxassis transferlarga 11 million evrodan biroz ko'proq mablag' sarflab, 11ta sov­rinni qo'lga kiritgan. To'g'ri, u iqtidorli avlod etishib chiqayotgan kezlari ishlagan, qolaversa, o'shanda pul masalasi ham boshqacha edi. Shunga qaramay, Lui erishgan yutuqlar hayratlanarli, boz ustiga, u ichki sovrinlardan tashqari, Chempionlar Kubogida ham zafar quchgan. Vaholanki, van Galning so'nggi ish joyi - «Manchester Yunayted»da hammasi boshqacha kechdi. Mankunianlar gollandiyalik mutaxassis qo'l ostida futbolchilar uchun 340 million evro sarflashdi, muzey esa bor-yo'g'i bitta sovrin - Angliya kubogiga boyitildi, xolos. 9-o'rin. Rafael Benites (Ispaniya) - bitta sovrin uchun 55,6 mln. evro Klublari: «Valensiya», «Liverpul», «Inter», «Chelsi», «Napoli», «Real», «Nyukasl». Sotib olingan futbolchilar (transferlar umumiy qiymati): 80 (667,19 mln. evro) Jamg'arilgan sovrinlar soni: 12ta Benites - g'alati murabbiy. Yodingizda bo'lsa, u o'tgan mavsumni Madridning «Real» klubida boshlagandi, hozirda esa «Nyukasl»ni chempionshipdan elitaga olib chiqishga urinmoqda. Rafael asosiy yutuqlarini dastlabki ikkita yirik jamoalari - «Valensiya» hamda «Liverpul» bilan qo'lga kiritgan. Benites faoliyati davomida ikki marta futbolchi uchun yirik mablag' sarflagan. Bular - Iguain («Napoli», 39 million) va Fernando Torres («Liverpul», 38 million). Davomi iff.uz saytida.
— deya xabar beradi uff.uz nashri.