"Barselona" hujumchisi Neymar Ispaniya chempionatida g'alabaga bo'lgan imkoniyat haqida gapirib o'tdi.
"Biz "Real" haqida o'ylamasdan, o'z o'yinimizga e'tibor qaratishimiz lozim. Oldinda hali o'yinlar ko'p. O'tgan mavsum biz "Real"dan ancha oldinga o'tib ketgan edik, ammo keyin vaziyat o'zgarib, chempionlikni deyarli so'nggi turgacha qo'lga kirita olmadik.
Bu juda murakkab chempionat va birinchi, ikkinchi, uchinchi va to'rtinchi o'rinlarda boradigan jamoalar o'zini xotirjam his qila olmaydi. Biz shunchaki o'z ishimizni bajarib, har bir o'yinda g'alaba uchun kurashishimiz lozim", - deydi Neymar.
Eslatib o'tamiz. "Barselona" Ispaniya chempionatida 16 turdan so'ng 34 ochko bilan ikkinchi o'rinda bormoqda. Birinchi o'rindagi "Real" hisobida 37 ochko mavjud va madridliklar bitta o'yin kam o'tkazishgan.
— deya xabar beradi uff.uz nashri.