O'zbekiston futbol federatsiyasi,  terma jamoalar Markazi hamda viloyat futbol federatsiyalari hamkorlikda O'zbekiston milliy terma jamoasi o'yinlari uchun oldindan chiptalar sotuvini tashkil etmoqda.  
Ma'lumki, 2015 yilning 12 noyabr kuni "Paxtakor" markaziy o'yingohida O'zbekiston – KXDR  milliy terma jamoalari o'rtasida Jahon kubogi-2018 saralash o'yini bo'lib o'tadi.
Qiziqarli bahsni bevosita stadiondan ko'rishni istagan milliy terma jamoamizning andijonlik muxlislariga Andijon viloyat futbol federatsiyasi chiptalarni muammosiz xarid qilish uchun imkoniyat yaratadi.
Buning uchun siz Andijon viloyat futbol federatsiyasiga  murojaat etishingiz kerak.  Chipta olish istagida bo'lgan muxlislar 5 noyabr kuniga qadar quyida ko'rsatilgan raqam bilan bog'lanishi mumkin.  
Alisher Uzoqov (+99874 223  86 61), soat 9:00dan 16:00gacha.
O'zbekiston - KXDR uchrashuvi chipta narxi 15000 so'm. Andijon viloyat futbol federatsiyasi
— deya xabar beradi uff.uz nashri.