O'tgan hafta Evropa Chempionlar Ligasi-2016|2017ning 1|16 final bosqichi juftliklari aniqlandi. Guruh raundi yakunlariga to'xtalsak, ayrim ko'rsatkichlar ko'pchilikni hayratlantirishi tayin. Misol uchun, ChLdan chiqib ketgan «Rostov»ni olaylik. Rostovliklar endi kurashni ELda davom ettirishadi. Lekin Qurbon Berdiev tomonidan tuzilgan «banda»ning asosiy turnirda «pley-off»ga chiqolmaganida deylik, qo'rqinchli yoki xijolat tortishga majbur qiladigan joyi yo'q. Axir «Bavariya» va «Atletiko»dek klublarni yo'llanmadan benasib qoldirish bu jamoa uchun deyarli ilojsiz vazifa ekanligi boshidanoq ma'lum edi. Asosiysi, «Rostov» turnirda munosib ko'rindi. Ya'ni Qurbon Bekievich shogirdlari barcha o'yinlarda go'yoki, 500 foiz kuch sarflashdi. Boshqacha aytganda, borlarini berishdi, kerak bo'lsa, maydon maysasini «chaynashdi». Ularning qanday yugurganlari esa umuman boshqa masala. Xo'sh, rostovliklar qanday yugurishdi? ChL bahslarida ishtirok etgan yuzlab futbolchilar, shu jumladan, evroarenaning bosh yulduzlari va eng mehnatkashlari orasida ko'p masofa bosib o'tish bo'yicha mutlaq yaxshi natijani «Rostov» vakili qayd etdi. Ushbu tinib-tinchimas chopqir - Aleksandr Gatskan deylik, Lionel Messi kabi iqtidorli emasdir, ammo moldovalik yigitning xuddi «o't olgan»dek yugurishi ayni haqiqat. YuGURISh MUSOBAQASI Demak, Aleksandr Gatskan guruh bosqichi o'yinlarida naq 71 364 metr masofani bosib o'tdi. Bu Boston yoki shunga o'xshash boshqa taniqli marafonlar masofasidan 29 kilometr ko'pdir. Tinib bilmaslar reytingining ikkinchi pog'onasidan «Atletiko»ning chinakam mehnatkash yigiti Gabi o'rin oldi. Kuchli uchlikni esa Igor Akinfeevni «dubl» bilan «siylagan» Dele Alliyakunlab berdi. Tabiiyki, ingliz futbolchisi bunday natijaga erishish uchun doimgidek, maydonda harakatchanligi bilan ajralib turdi. U ayniqsa, bo'sh hududga chiqib borish yo'lida ko'p yuguradi. Aytish joiz, faxriy reytingning 11-qatori Kristian Noboaga nasib etdi. Aleksandr Golovin esa oxirgi turga qadar eng ko'p masofa bosib o'tgan 3 nafar futbolchidan biri bo'lib turgandi. Agar u «Uembli»dagi o'yinning ikkinchi bo'limida zaxira vakili bilan almashtirilmaganida, ro'yxatda kuchli beshlikdan joy olardi. Yakunda TsSKAning yosh a'zosi 18-qatorga tushdi, ammo u Gatskan va boshqalarga nisbatan 40-45 daqiqa kam o'ynagan. 1. Aleksandr Gatskan («Rostov») - 71 364 metr (544 daqiqada) 2. Gabi («Atletiko») - 71 347 metr (544 daqiqada) 3. Dele Alli («Tottenxem») - 71 341 metr (538 daqiqada) 4. Koke («Atletiko») - 70 813 metr (522 daqiqada) 5. Skott Braun («Seltik») - 70 705 metr (545 daqiqada) Fakt. Lionel Messi («Barselona») bu borada atigi 254-natijani qayd etdi. U guruh bosqichida jami 457 daqiqa to'p surib, 39 341 metr masofani bosib o'tdi. TO'P UZATISh MUSOBAQASI Unai Emeri shogirdlari to'p uzatishda ilg'orlar. Ispan mutaxassisi birgina «Spartak»da o'z falsafasidagi o'yinni yo'lga qo'yolmagan yoki bunga ulgurmagandi. Zero, bungacha «Sevilya»ni ravon «trassa»ga chiqargan Emeri mana, «PSJ»da ham o'ziga xos uslub, xarakterli taktikani joriy etyapti. Bu hazil ish emas, boz ustiga, u doimo natijani ko'zlaydigan klubda atigi debyut mavsumini o'tkazmoqda. Qarang, «Arsenal», «Bazel» va «Ludogorets» jamoalari bilan bitta guruhda o'ynagan «PSJ» mag'lubiyat nimaligini bilmadi. Bunda to'pni aniq-tiniq nazorat qilish katta ahamiyat kasb etgani tayin. Xullas, parijliklar raqiblarning hujum uyushtirish imkoniyatlarini minimal darajada pasaytirish uddasidan chiqishdi. Albatta, «Barselona» va«Bavariya» jamoalarida to'p nazorati ko'rsatkichi yaxshiroq, biroq ularning bu masalada anchadan buyon raqobatdan xoli ekanliklarini unutmaslik kerak. Boshqa ishtirokchilar orasida esa aynan «PSJ» kombinatsiyalar qiroli: 59 foizlik nazorat va 4016ta «pas». Futbolchilarni alohida olsak, Marko Verratti tengsiz. Ha, Unai Emerining eng «tushunib bo'lmas» shogirdi uzatma bobida eng yaxshi natijaga erishdi. Uning jami 552ta urinishidan 502tasi aniq chiqqanini ham aytish o'rinli. To'p uzatish bo'yicha ikkinchi yaxshi ko'rsatkich «Sevilya»dagi Stiven N~Zonziga tegishli - 510ta «pas» (470tasi aniq). Aytgancha, u ham Emerining shogirdi, faqat sobiq qo'shimchasi bilan. «Pas» berish poygasida 3-o'ringa ispan murabbiyining yana bir shogirdi - Tyago Motta joylashdi. Bu futbolchining jami 497ta uzatmasidan 470tasi aniq chiqdi. Rossiya klublari vakillariga kelsak, «pas» bo'yicha eng yuqori ko'rsatkich «armiyachi» Bibras Natxoga tegishli. To'g'ri, u 226ta uzatma bilan umumiy jadvalda atigi 133-o'rinni egalladi. Davomi iff.uz saytida
— deya xabar beradi uff.uz nashri.