Evropa Ligasi ham xuddi «aka»si - ChL kabi qishki tanaffusga chiqqanini yaxshi bilasiz. Endi turnir fevralda asosiy turnirning guruh bosqichida 3-o'rinni egallagan klublar aralashuvida davom ettiriladi. Tabiiyki, ELda ham o'z qahramonlari bor. Demak, «ko'hna qit'a»da ikkinchi o'rinda turuvchi musobaqaning guruh raundida kimlar qanday superjasorat ko'rsatishganiga qiziqsangiz, quyidagi fotogalereyaga nigoh qadang. Viktor JULIANO («Zenit»). Supersalohiyati: «Gol+pas» tizimida eng yaxshi ko'rsatkich - 11ta samarali harakat. Juliano o'z jamoasining naq  65 foiz golida bevosita ishtirok etdi. Ralf FERMANN («Shalke»). Supersalohiyati: «quruq» o'yinlar kollektsioneri. «Shalke» darvozaboni EL guruh bosqichidagi 6ta o'yindan 5tasida maydonga tushib, atigi 1ta gol qo'yib yubordi. Xullas, 4ta uchrashuvda o'z darvozasini daxlsiz saqlab qoldi. Mauro SARATE («Fiorentina»). Supersalohiyati: 15 daqiqada 1ta gol! Sarate atigi bir marta maydonga tushdi, shunda ham «Qorabog'»ga qarshi uy uchrashuvi tugashiga yarim soat qolganida. Muhimi, shu vaqt oralig'ida jarima maydoni tashqarisidan yo'llagan 2ta ajoyib zarbasi bilan 2ta gol urdi. Arits ADURIS («Atletik»). Supersalohiyati: 1ta o'yinda 5ta gol. Aduris  o'zgacha hujumchi. Mana, 35 yoshida ilk marta Ispaniya termasi «zayavka»sidan joy olib, Evro-2016da qatnashgan faxriy  «Genk» darvozasini naq 5 marta ishg'ol qilib, hisob 5:3 bo'lishini ta'minladi. Umuman, Bilbao klubining turnirdagi jami gollaridan  60 foizi aynan Aduris nomiga yozildi. Davomi iff.uz saytida
— deya xabar beradi uff.uz nashri.