Toshkentning “Bunyodkor” jamoasi qishki o'quv-mashg'ulot yig'inining birinchi bosqichini yakunladi. Sergey Lushchan o'z shogirdlari bilan 15-28 dekabr kunlari Toshkentda tayyorgarlik jarayonini olib bordi. Ushbu yig'in davomida Viktor Kumikov boshqaruvidagi “Olmaliq” jamoasi bilan nazorat uchrashuvi o'tkazildi va unda Dostonbek Hamdamov tomonidan kiritilgan ikkita gol “Bunyodkor”ga 2:0 hisobida g'alaba keltirdi. Yakunlangan mavsumda “Bunyodkor” sharafini himoya qilgan Minori Sato, Yuritsa Bulyat va Aleksandar Alempievichning klub bilan tuzgan shartnomalari yakunlanganligi bois ular jamoani tark etishdi. “Bunyodkor” vakillariga 4 yanvarga qadar ta'til e'lon qilindi.
— deya xabar beradi uff.uz nashri.