«Barselona» klubi yarim himoyachisi Arda Turan Xitoydan tushgan taklifga qaramay, o'z jamoasini tark etmoqchi emas. «Guanchjou Evergrand» klubi turkiyalik yarim himoyachiga uch yilga mo'ljallangan 50 mln evrolik shartnoma taklif etgan. Mundo Deportivo nashrining xabar berishicha, hozircha «Barselona»ga rasmiy taklif kelib tushmagan, ammo futbolchining o'zi jamoasini millionlarga almashgisi kelmayapti. Ushbu mavsumda 29 yoshli Turan «Barselona»ning 19 rasmiy o'yinida maydonga tushib, 11 gol va 7 ta golli uzatmaga mualliflik qilgan. Uning kataloniyaliklar bilan amaldagi shartnomasi 2020 yilga qadar mo'ljallangan.
— deya xabar beradi uff.uz nashri.