«Liverpul» yarim himoyachisi Filippe Koutino jarohatini tiklashda davom etmoqda. Yarim himoyachi APL 19-turidan o'rin olgan 31 dekabrdagi «Manchester Siti»ga qarshi kechadigan uchrashuvda jamoasiga yordam bera olmaydi. «Qizillar» bosh murabbiyi Yurgen Kloppning aytishicha, braziliyalik futbolchi «Sanderlend»ga qarshi kechadigan bahsni ham o'tkazib yuborishi mumkin. «Koutino o'zini yaxshi his etmoqda, ammo «Manchester Siti»ga qarshi o'yinda maydonga tushmaydi. Bundan tashqari, «Sanderlend»ga qarshi kechadigan uchrashuvda ham maydonga tushishi so'roq ostida», — deya Klopp so'zlarini keltirmoqda Mirror nashri. «Sanderlend» — «Liverpul» uchrashuvi 2 yanvar kuni bo'lib o'tadi.
— deya xabar beradi uff.uz nashri.