"Barselona" rahbariyati himoyachi Aleyks Vidalni sotishga tayyorligini bildirdi. Xabar qilinishicha, kataloniyaliklar himoyachi uchun 15 million evro talab qilishadi.
Biroz vaqt muqaddam Vidal qishda "Barselona"dan ketishga qat'iy ahd qilgani aytilgan edi. Himoyachi kataloniyaliklar safida etarlicha o'yin amaliyotiga ega bo'lishiga ishonmayapti. Jamoa bosh murabbiyi Luis Enrike unga ishonmayapti va yaqin orada biror o'zgarish bo'lishi ham qiyin.
Eslatib o'tamiz, Vidal 2015 yilning yozida "Sevilya"dan "Barselona"ga o'tgan edi. Kataloniyaliklar himoyachi uchun 18 million evro to'lashgan va u bilan besh yillik shartnoma imzolangan. Ammo Vidal joriy mavsum Ispaniya chempionatida bor yo'g'i bitta o'yinda maydonga tushdi.
— deya xabar beradi uff.uz nashri.