Hamyurtimiz Odil Ahmedov o'z faoliyatini Xitoyning «Shanxay SIPG» klubida davom ettiradigan bo'ldi. Bu haqida «Krasnodar» rasmiy sayti e'lon qildi. «Krasnodar» muxlislari Ahmedovni yaxshi ko'rishar edi, uning aqlli, tartibli va har bir o'yinda bor kuchini berib o'ynashi jamoa murabbiylari e'tiboridan chetda qolmadi. «Krasnodar» FK jamoasi ikki yarim yillik mehnatlari uchun Odilga minnatdorchilik bildiradi va Xitoydagi faoliyatiga muvaffaqiyatlar tilaydi», — deyiladi «buqalar» rasmiy saytida. Avvalroq transfer qiymati 7 million evro atrofida bo'lishi mumkinligi haqida xabar berilgandi. Ahmedov joriy mavsumda Rossiya chempionatida 14 o'yin o'tkazib, 1 ta golli uzatmaga mualliflik qildi.  Ma'lumot uchun, «Shanxay SIPG» klubida braziliyalik Xalk va Oskar kabi futbolchilar to'p suradi. Jamoa bosh murabbiyi esa portugaliyalik Andre Villash-Boash sanaladi. 
— deya xabar beradi uff.uz nashri.