«Bavariya» klubi yarim himoyachisi Aren Robben 2009 yilda «Real» safini tark etishni xohlamaganini aytib o'tdi. «O'sha yozda g'alati voqealar bo'lgan edi. Florentino Peres «Real» prezidenti lavozimiga qaytganidan so'ng, bir nechta yangi futbolchilarni sotib olgan edi. Krishtiano Ronaldu, Kaka, Karim Benzema va Xabi Alonso – ularning hammasi katta pullar evaziga «Real»ga o'tishgan edi. Agar jamoa meni sotadigan bo'lsa, pul ishlash imkoni borlini menga aytishdi. Biroq men ketishni istamadim. Mavsum oldidan faoliyatimdagi eng yaxshi davrni o'tkazgan edim, ammo menga imkon bermadilar va men ketishga qaror qildim. «Bavariya»dan taklif bor edi, ammo bu faoliyatim tarixidagi eng qiyin qaror bo'lgan. O'sha paytlar «Bavariya» xozirgidek Evropa top-klublari safiga kirmas edi va bu men uchun ortga tashlangan qadam edi. Oxir-oqibat u erga o'tishga qaror qildim, chunki klub meni qo'lga kiritish uchun bor imkoniyatini ishga soldi. Shuningdek, myunxenliklar safiga o'tishimda Lui van Galning ham xizmatlari katta bo'lgan», — deya Robben so'zlarini keltirmoqda Goal nashri.
— deya xabar beradi uff.uz nashri.