Mamlakatimizning amaldagi chempioni va kubogi sohibi – Toshkentning “Lokomotiv” futbol klubi yangi mavsum taraddudini 21 dekabrdan boshlagani va ilk mavsumoldi yig'ini bir hafta davom etganidan xabaringiz bor. Bugundan “Temiryo'lchilar” jamoasi yana mashg'ulotlarga qaytdi. Yig'inning ilk kunida murabbiylar shtabi futbolchilarga ortiqcha yuklama berishni lozim topmadi va shu boisdan engil chigalyozdi mashqlari yopiq inshootda o'tkazildi. Ta'kidlash joizki, yig'inda jamoamiz ko'rigida bo'lib turgan ikki ivuarlik futbolchilar ham qatnashishmoqda. Mashg'ulotlar 7 yanvarga qadar Toshkentda davom ettiriladi. So'ng “Temiryo'lchilar” jamoasi ilk xorij yig'inini o'tkazish uchun BAAning Dubay shahriga yo'l oladi.  
— deya xabar beradi uff.uz nashri.