Madridning "Real" klubi bosh murabbiyi Rafael Benites nima sababdan "Atletiko"ga qarshi kechgan uchrashuvda (1:1) jamoaning yagona golini kiritgan hujumchi Karim Benzemani 77-daqiqada zaxiraga olganini tushuntirib berdi.
"Bizga chap qanotda biroz kuch va muvozanat etishmayotgan edi. Qanotdagi tezlik Beylning harakatlariga mos kelishini ta'minlash kerak edi. Ronalduni esa hujumga o'tkazish zaruriyati yuzaga kelgandi.
Shu tariqa o'yinda muvozanat yuzaga kelishini ta'minlamoqchi bo'ldik", - deydi Benites.
Eslatib o'tamiz, shundan so'ng "Real" gol o'tkazib yuborgan va g'alabani qo'ldan boy bergan. 83-daqiqada "Atletiko" hisobni tenglashtirishga muvaffaq bo'lgan.
— deya xabar beradi uff.uz nashri.