Farg'onaning “Neftchi” jamoasi 13 yanvardan boshlab Toshkent shahrida Oliy liga-2017ga tayyorgarlik bosqichini davom ettiradi. Shu kundan boshlab farg'onaliklar “Rohat” mehmonxonasida isteqomat qilib, “Chilonzor” hamda “Bunyodkor” futbol akademiyasining mashg'ulotlar maydonida shug'ullanishadi.
Ayni paytga kelib poytaxt yig'inida Farg'ona klubiga raqiblik qiladigan jamoalar nomi ma'lum bo'ldi. Unga ko'ra, “Buxoro” (Buxoro), “Metallurg” (Bekobod) hamda “So'g'diyona” (Jizzax) klublari “Neftchi”ga raqib sifatida tanlangan.
Rejaga asosan, 15 yanvar kuni “Buxoro”, 18 yanvar sanasida “Metallurg” hamda 21 yanvar kuniga belgilangan bahs “So'g'diyona” jamoasiga qarshi bo'lib o'tadi. Bu Toshkent yig'ini doirasidagi barcha o'yinlar emas. Tayyorgarlik jarayoni davomida yana bir qator raqiblar bilan nazorat uchrashuvlari bo'lib o'tadi.
— deya xabar beradi uff.uz nashri.