"Tottenxem" yarim himoyachisi Dele Alli Angliya chempionatida ajoyib to'purarlik namoyish etmoqda va qatorasiga uchinchi o'yinda ikkitadan gol urdi. Alli bu safar Angliya chempionati 20 turida "Chelsi"ga qarshi kechgan bahsda dubl qayd etgan.
Bunga qadar esa "Sautgempton"ga qarshi kechgan (4:1) va "Uotford" bilan bo'lgan (4:1) o'yinlarda ham Alli ikkitadan gol urgan. Boz ustiga u "Bernli" bilan bo'lib o'tgan (2:1) bahsda ham bitta gol urgandi.
Shu tariqa Alli Angliya chempionatida qatorasiga to'rtinchi o'yinda gol urishga muvaffaq bo'lgan.
— deya xabar beradi uff.uz nashri.