Yangi mavsumga tayyorgarlik ko'rayotgan «Lokomotiv» futbolchilari bugun Respublika sport tibbiyoti ilmiy-amaliy markazida tibbiy ko'rikdan o'tishdi.
Barcha tekshiruvlar chuqurlashtirilgan tartibda olib borildi. «Lokomotiv»ni ushbu mavsumda ham bir qator mas'uliyatli uchrashuvlar kutib turibdi. Shu bois jamoaning tayyorgarligi ham jiddiy tarzda kechmoqda.
«Temiryo'lchilar» bugun tushdan so'ng klub qarorgohida to'planib, «Lokomotiv» stadionida mashg'ulot o'tkazishadi. Toshkentdagi mashg'ulotlar 7 yanvarga qadar davom etadi. 8 yanvar kuni esa jamoamiz ilk xorij o'quv-yig'inini o'tkazish maqsadida Dubayga yo'l oladi.
— deya xabar beradi uff.uz nashri.