«PSJ» hujumchisi Xese Rodriges "Roma"ga o'tishni istamayapti.
Rimliklar Xeseni ijaraga olishga va katta maoshini to'lashga rozilik bildirgan edilar. Ammo 23 yoshli futbolchi "Roma"da etarlicha o'yin amaliyotiga ega bo'la olmaslikdan xavotirda. Muhammad Salah Afrika Kubogidan so'ng Rimga qaytsa, Xese zaxira o'rindig'ida qolib ketishi mumkin.
Xese oxirgi bir necha kun davomida muzokara olib borishni istamadi va bu bilan "PSJ" hamda "Roma" rahbariyatini hayron qoldirdi. Uning o'zi "Las Palmas"ga ijaraga ketishni istamoqda. Garchi "Roma" va "Milan" Xesega katta maosh taklif qilsada, u Ispaniyaga qaytishni istamoqda.
Eslatib o'tamiz, "PSJ" yozda Xeseni "Real"dan 25 million evro evaziga sotib olgan edi. Futbolchi yiliga 2,6 million evro maosh oladi. Joriy mavsumda u Frantsiya chempionatida 9 uchrashuvda 1 ta gol urib, 1 ta golli uzatmani amalga oshirgan.
— deya xabar beradi uff.uz nashri.