Mart oyida yo'lga chiqqan Oliy liga karvoni o'z manzili tomon yaqinlashmoqda. Aniqrog'i, yana ikki turdan keyin O'zbekiston 24-milliy chempionati ham tarixga aylanadi. Bu yilgi birinchilik ancha shiddatli va keskin kurashlarga boy o'tmoqda. Chempionat yakunlanishiga 2 tur qolgan bo'lsa-da, chempionlik masalasi ochiq turibdi. Qolaversa, elitani kim tark etishi ham noma'lum.
"Qo'qon-1912" so'nggi ikki turdagi g'alabadan keyin Oliy ligadagi o'rnini saqlab qoldi. Shunday bo'lsa-da, klub qolgan ikki o'yinda ham muxlislarni xursand etishni maqsad qilgan.
Noyabr oyida qo'qonliklar “Markaziy” o'yingohida Jizzaxning “So'g'diyona” klubini qabul qiladi. Keyin esa terma jamoa o'yinlari munosabati bilan chempionatda kichik tanaffus e'lon qilinadi. Nihoyat, 20 noyabr kuni Toshkentda “Bunyodkor”ga qarshi maydonga tushiladi. “Bunyodkor” o'yingohidagi uchrashuv bilan bu yilgi chempionat o'yinlari yakuniga etadi.
PFL reglamentiga ko'ra, har ikki bellashuv ham soat 14:00da boshlanadi.
O'yinlar taqvimi:
Oliy liga
29-tur
5 noyabr
“Qo'qon-1912” – “So'g'diyona”
30-tur
“Bunyodkor” – “Qo'qon-1912”.
— deya xabar beradi uff.uz nashri.