Mana, 2017 yilning ilk kunlari ham ortda qolmoqda. Yurtimiz o'zining yangi tarixini boshladi. Hademay, ko'plab sohalarda yutuqlarga erishamiz, bunga shubhamiz ham yo'q. Sport, jumladan futbol ham bundan mustasno emas.
O'tgan yilgi Rio muvaffaqqiyatlari nihoyat, futbolimizning JCh-2018 saralashiga ko'chishiga albatta ishonamiz. Boshqa yo'li ham yo'q.
Nasib qilsa, ushbu g'alabali onlarni FUT.uz saytida siz bilan birga baham ko'ramiz. Bugun futbol ishqibozlariga bir yangilikni aytib o'tmoqchimiz. Shu kunlarda mutlaqo boshqa bosqichga ega bo'lgan va yangi platformaga o'tgan FUT.uz saytining yangi versiyasi ishga tushadi. U hozirgi zamon texnologiyalari mos kelgan holda, umuman boshqacha uslubda faoliyatini davom ettiradi. Yangi xosting markazga o'tish jarayoni 2-3 kunni oladi.
Darvoqe, saytimizning avvalgi mavqeini tiklash, eski muxlislarni qaytarish va avvalgidek futbol shukuhini olib kirish borasida ko'plab ishlar olib borildi va shu kunlarda juda katta ijobiy o'zgarish bo'lishi kutilmoqda. Bu haqida hali alohida xabar beramiz.
Umuman, 2017 yilda futbolimizda ham katta ijobiy o'zgarishlar bo'ladi. Oliy va Birinchi ligalarimizning saviyasini ko'tarish, barcha terma jamoalarimizning o'yinini shakllantirish borasida kerakli ishlar amalga oshirilishi kutilmoqda.
Shuncha vaqt mobaynida FUT.uz sayti bilan birga bo'lganingiz uchun barchangizga tashakkur izhor qilamiz. Va'da beramizki, buyog'iga ham o'zbek va jahon futboliga oid tezkor xabarlarni o'z vaqtida mutolaa qilib turasiz.
Rossiyadagi Jahon chempionatiga birga boramiz!
— deya xabar beradi uff.uz nashri.