“Chelsi” klubi yarim himoyachisi Jon Obi Mikel “Tyanzin Teda” jamoasiga o'tishga yaqin turibdi. Londonlik klub yarim yildan so'ng shartnomasi tugaydigan nigeriyalik xavbekni qo'yib yuborishga rozi bo'ldi. Dastavval 29 yoshli futbolchi Xitoyga ko'chib o'tishni istamagandi va unga “Valensiya” hamda “Marsel jamoalari qiziqish bildirishgandi. Xabar qilinishicha, Londonda bo'lib o'tgan muzokaralar vaqtida “Tyanzin Teda” vakillari Mikelni faoliyatini Xitoy Superligasida davom ettirishga ko'ndirishgan. Xitoyda uning haftalik maoshi 140 ming funtni tashkil qiladi.
— deya xabar beradi uff.uz nashri.