“Barselona” yarim himoyachisi Andres Inesta jamoasining Ispaniya Kubogi chorak finaliga chiqish imkoniyatlari haqida so'zlab berdi. Nimchorak finalning ilk o'yinida kataloniyaliklar safarda “Atletik”ka 1:2 hisobida imkoniyatni boy berdi. “Oxiriga qadar kurashdik, ammo ijobiy natijani qo'lga kirita olmadik. “Atletik” birinchi bo'limda o'z imkoniyatlaridan foydalandi. Chorak final yo'llanmasini qo'lga kiritish oson bo'lmaydi, ammo kurashish kerak. Javob o'yinida qanday natija bo'lishini ko'ramiz”, – dedi Inesta. Eslatib o'tamiz, jamoalar o'rtasidagi javob o'yini 11 yanvar kuni “Kamp Nou” stadionida bo'lib o'tadi. 
— deya xabar beradi uff.uz nashri.