Angliya terma jamoasi sobiq bosh murabbiyi Roy Xojson Evro-2016dan yarim yil o'tib, inglizlarning Frantsiya maydonlaridagi omadsizliklari haqida gapirishga jazm etdi. Eslatish joiz, 69 yoshli mutaxassis tayyorlagan jamoa  turnirning 1|8 final raundida kamtaringina tuyulgan Islandiya termasiga yutqazishgandi - 1:2.  Xullas, Xojson The Times nashriga bergan intervyusida asosan islandlarga qarshi kechgan o'sha uchrashuv iztiroblari bilan o'rtoqlashdi. Jurnalistlar esa o'z navbatida, savol berishni ortiqcha bilib, uning fikrlarini yozib olishdi va yakunda barchasini joy-joyiga qo'yib, gazetada chop etishdi. *** - Bundan buyon hech qachon «Islandiya» atamasini eshitishni ham istamayman. Islandlarga qarshi o'yin shaxsan men uchun haqiqiy «syurpriz» bo'ldi. Shunday taassurot uyg'ondiki, biz o'zimizni xuddi uxlatib qo'yilgan yosh bolalardek tutdik. Barchasiga o'z kuchimizga qattiq ishonganimiz sababdir. Ha, ushbu aldamchi hissiyot Angliya termasi bilan qo'pol hazillashdi. Alohida ta'kidlayman, bu gaplarim faqat futbolchilar emas, balki butun murabbiylar shtabiga ham daxldor. *** - To'liq ishonch bilan aytamanki, aslida jamoa islandlar bilan o'yinga talab darajasida tayyorgarlik ko'rgandi. Deylik, barcha futbolchilar mashg'ulotlar jarayoniga mutlaqo maksimal e'tibor bilan yondashishdi. Ulardagi o'ynash ishtiyoqi ham yaqqol sezilib turgandi. *** - Tan olaman, maydonga boshqacha xayolda tushdik - Angliya termasi raqibga nisbatan ancha kuchli, aqlli, tajribali, tarkibimizdagi ko'plab futbolchilar jahon saviyasida o'ynashadi, ularning sport formalari ham ajoyib... Afsuski, bu xayol-fikrlar bekor bo'lib chiqdi. *** - Ha, Angliya termasi Ueyn Runining golidan so'ng hisobda oldinga chiqib oldi va barchasi o'ylaganimdek rivojlanishiga ishonchim ortdi. Ammo oradan 2 daqiqa o'tmay turib, shunchaki, «portlab» ketdim. Chunki raqib muvozanatni tikladi. Gap hisobning tenglashganida ham emasdi... Chunonchi, bu biz uchun chinakam zarba bo'ldi. Keyin oydinlashdiki, hamma ko'rgiliklar oldinda kutib turgan ekan. Axir Islandiya termasi ikkinchi golni ham urdi... Davomi iff.uz saytida.
— deya xabar beradi uff.uz nashri.