Angliya Kubogi 3-bosqichidan o'rin olgan «Vest Xem» – «Manchester Siti» uchrashuvi o'z nihoyasiga etdi. Ushbu uchrashuvda «shaharliklar» «Vest Xem»ga hech qanday imkon qoldirmadilar. Uchrashuvning 33-daqiqasida Yaya Ture penaltini aniq amalga oshirib, jamoasini oldinga olib chiqdi. 41-daqiqada «Vest Xem» vakili Xovard Nordtveyt o'z darvozasini ishg'ol qilib qo'ydi, oradan ikki daqiqa o'tib David Silva navbatdagi golni kiritib, jamoasini tanaffusga yirik hisobda olib chiqdi. Ikkinchi bo'lim boshida «Siti» hujumchisi Serxio Aguero hisobni 0:4 ko'rinishiga keltirdi. 84–daqiqadagi Stounzning goli o'yindagi so'nggisiga aylandi. Shu tariqa «Manchester Siti» ishonchli g'alabaga erishib Kubok bahslaridagi yurishini davom ettiradigan bo'ldi. Angliya Kubogi. 3-bosqich Vest Xem – Manchester Siti 0:5  (0:3, 0:2) Gollar: 0:1 – 33, penalti Ture, 0:2 – 41, avtogol Nordtveyt, 0:3 – 43 Silva, 0:4 – 50 Aguero, 0:5 – 84 Stounz. Vest Xem – Adrian, Ogbonna, Rid, Kressuell, Nordtveyt, Fernandesh, Obiang, Lansini (Nobl, 58), Feguli, Antonio (Fletcher, 72), Kerroll (Payet, 58). Manchester Siti – Kabalero, Stounz, Sabaleta, Klishi, Otamendi, Silva (Nolito, 58), de Bryuyne (Aleysh Garsiya, 68), Sterling, Ture (Delf, 78), Sanya, Aguero.
— deya xabar beradi uff.uz nashri.