«Chelsi» va «Manchester Siti»ning sobiq yarim himoyachisi Frenk Lempard faoliyatini davom ettirish uchun bir necha variantlar borligini aytib o'tdi. Eslatib o'tamiz, u o'tgan yilning so'nggida «Nyu-York Siti»dan erkin agent sifatida ketgan edi. «Menda faoliyatimni davom ettirishga doir bir nechta variantlar bor. Formamni bir maromda ushlab turibman, maydonga qaytadigan bo'lsam, u menga kerak bo'ladi. Mening faoliyatim uzoq va yaxshi bo'ldi, hozir esa so'nggi to'g'ri qarorni chiqarishim lozim. Bu juda muhim, ammo men hotirjamman, hammasi qishki transfer mavsumida hal bo'ladi», — deya Lempard so'zlarini keltirmoqda Daily Star nashri.
— deya xabar beradi uff.uz nashri.