"Bavariya" hujumchisi Robert Levandovskining agenti Tsezari Kuxarski Xitoydan tushgan taklif haqida aytib o'tdi.
"Xitoy chempionatiga yulduzlarni olib kelish bilan shug'ullanayotgan agent men bilan aloqaga chiqdi. Klubning nomi aytilgani yo'q.
Agarda Levandovski Xitoyga ketishga rozi bo'lganida, Tevesdan ko'p maosh olgan bo'lardi. Uning transferi esa 250 million evro atrofida bo'lar edi.
Ammo Robert uchun bu variant kerak emas. "Bavariya"da pul ko'p, ammo hozir bu bilan hech kimni hayron qoldirmaysan. Robertning maqsadi - g'alabalarga erishish", - deydi Kuxarski.
Eslatib o'tamiz, Robert Levandovski "Bavariya" bilan 2021 yilga qadar davom etadigan yangi shartnoma imzolagan. U joriy mavsum Germaniya chempionatida 16 ta o'yinda 12 ta gol urgan.
Karlos Teves esa "Shanxay Shenxua"ga o'tgach yiliga 32 million funt maosh olmoqda va dunyoning eng ko'p maosh oladigan futbolchisiga aylangan.
— deya xabar beradi uff.uz nashri.