Angliya Kubogi 3-bosqichidan o'rin olgan "Manchester Yunayted" – "Reding" uchrashuvi o'z nihoyasiga etdi. Unda mankunianliklar "Reding" klubini yirik hisobda engdilar. Uchrashuv boshidanoq hujumga intilgan "MYu" futbolchilari 7-daqiqada tezkor gol kiritishga muvaffaq bo'ldilar, Ueyn Runi jamoasining ilk goliga mualliflik qildi. Oradan ko'p vaqt o'tmay Antoni Martyal o'z hisobiga gol yozib qo'ydi. Ikkinchi bo'limda ham manchesterliklar bosimni kamaytirmadilar. Markos Reshford 75 va 79-daqiqalarda gol kiritib jamoasining g'alabasiga hissa qo'shdi. Shu tariqa "Manchester Yunayted" Angliya Kubogining 1/16 bosqichiga yo'l oldi. Angliya Kubogi. 3-bosqich Manchester Yunayted – Reding 4:0  Gollar: 1:0 – 7 Runi, 2:0 – 15 Marsyal, 3:0 – 75 Reshford, 4:0 – 79 Reshford. Manchester Yunayted – Romero, Blind, Roxo (Djons, 19), Smolling, Yang, Mata (Shvaynshtayger, 78), Fellayni, Kerrik (Fosu-Mensa, 78), Reshford, Runi, Marsyal. Reding – Al-Xabsi, Mur, Blekkett (Obita, 46), Ganter, Evans (Svift, 57), Berens, Kelli, van den Berg, Uilyams, Makkliri, Kermorgan (Semyuel, 77). Ogohlantirishlar: Yang (54).
— deya xabar beradi uff.uz nashri.