Mavsum oralig'ida “Mash'al“ safiga kelib qo'shilgan Abdulloh Olimov shartnoma imzolagani yuzasidan o'z fikrlarini bildirdi. “Bilasiz o'tgan mavsumni “Qo'qon-1912” jamoasi tarkibida o'tkazdim va jamoaga imkon qadar yordam berishga harakat qildim, ammo ba'zi bir o'yinlarda murabbiylar meni zaxirada qoldirishdi. Shartnomam yakuniga etgach jamoani o'zgartirishga qaror qildim. Oldimda bir qancha variantlar bor edi va men ikkilanishsiz «Mash'al»ni tanladim, boisi bu klub ancha beqaror va mustahkam poydevorga hamda o'zbek futbolida o'z mavqeyiga ega bo'lgan jamoadir. Shartnomada ko'rsatilgan bandlar meni qoniqtirdi shu bois «Mash'al» bilan ikki yillik kelishuvga imzo chekdim. Endilikda «Mash'al» jamoasi menga bildirgan ishonchi oqlab jamoa muvofaqiyatiga o'z hissamni qo'shmoqchiman. Klub bosh direktori Ilhom Qurbonov, jamoa rahbari Dilyaver Vaniev va bosh murabbiy Aleksandr Xomyakov lar bilan suhbatlashdim ular meni yaxshi kutib olishdi va buning uchun ularga o'z minnatdorchiligimni bildiraman”, - deydi Olimov.
— deya xabar beradi uff.uz nashri.