«Manchester Siti» bosh murabbiyi Xosep Gvardiola Angliyadagi faoliyati haqida qisqacha to'xtalib o'tdi. «Turli xil g'oyalarim bor edi. Misol uchun uch himoyachi bilan o'ynash. Taktika ish bermaganda, har doim ayb murabbiyda bo'ladi. Hech qachon o'yinchilardan nolimayman. Ularning qanday ishtiyoq bilan mashg'ulotlar olib borayotganini ko'rib turibman. Ular haqiqatan ham o'zlarini ko'rsatish uchun tinim bilishmayapti. Vazifam yordam berish. Ba'zida g'oyalarim unchalik yaxshi foyda bermaydi. Chunki hamon futbolchilarni, o'rganish, tushunish va kim qaysi pozitsiyada yaxshiroq o'ynashi bilan tanishish jarayonidaman. Angliyani o'zgartirmoqchi emasman, buni xohlamayman ham. Albatta, Angliya meni o'zgartirdi. Aynan shu sababdan ham bu erga kelgandim. Va bu juda yaxshi. 15-20 yil faoliyat olib boradigan murabbiy uchun butun faoliyati davomida bir ishni takrorlash juda zerikarli. Million marta takrorlaganman: bu erga o'z o'yin uslubimni Angliyaga moslashtirish uchun kelganman», – deya gapirib o'tgan Gvardiola.
— deya xabar beradi uff.uz nashri.