«Manchester Yunayted» bosh murabbiyi Joze Mourino yarimhimoyachi Memfis Depayning klubdagi kelajagi haqida fikr bildirdi. «Bizda Memfisning nuqtasida harakatlanuvchi futbolchilar ko'p. Lingard, Mata, Mxitaryan, Reshford, ba'zida Runi va Memfis. Ularning barchasiga o'yin amaliyoti berish oson emas. Klub meni Depay uchun boshqa jamoalardan takliflar borligi haqida ogohlantirdi. Men uni zaxirada qolishi uchun ushlab turishim odamgarchilikdan emas. Agar u qolsa, xursand bo'laman, chunki u ajoyib yigit va yaxshi futbolchi. U asosiy tarkibda o'ynatmayotganimdan afsusdaman. Lekin uning yoshidagi futbolchi maydonda o'ynashi kerak. Agar Depay jamoada qolsa, bir nechta o'yinlarimizda maydonga tushishi mumkin bo'ladi, chunki o'yinlarimiz juda ko'p. Agar ketadigan bo'lsa - unga eng yaxshi tilaklarni tilaymiz, chunki Depay fantastik yigit» , deydi Mourino.
— deya xabar beradi uff.uz nashri.