Mamlakatimizning ulkan mehmonxonalaridan biri «O'zbekiston»da qishgi yig'inni o'tkazayotgan «Navbahor» jamoasining mavsumoldi taraddudi bilan tanishib chiqdik.   «NAVBAHOR»GA TAJRIBALI FUTBOLChILAR QO'ShILIShMOQDA Yaqinda kirib kelgan 2017 – yilning ilk nazorat uchrashuvini «Olmaliq»ga qarshi o'tkazgan namanganliklar kichik 1:0 hisobida g'alabaga erishdilar. «Lochinlar» tarkiblarini asta-sekin mahoratli va iqtidorli futbolchilar bilan to'ldirishmoqda. Zohir Pirimov (Olmaliq), Mirzohid G'ofurov, G'iyos Komilov (Mash'al), Jahongir Mehmonov, Alisher Samatov (Neftchi), Ro'zim Ahmedov (Andijon) shular jumlasidan. Shuningdek, «Navbahor» ko'rigida AQShning NLS ligasi ishtirokchisi «Boka Xuniors» (U-23) jamoasida to'p surgan o'zbekistonlik Tohir Usmonov ham bo'lib turibdi. Uning jamoada qolish yoki qolmasligi yaqin kunlar ichida ma'lum qilinadi. «OLMALIQ»NI MAG'LUB ETGAN «NAVBAHOR» «Bunyodkor» stadionining zaxira maydonida bo'lib o'tgan o'yinda namanganliklar 1:0 hisobida zafar quchishdi. Xar ikki jamoaga yangi murabbiy tayinlangani ikki murabbiyning o'zaro aqliy jangi bo'lishidan darak berardi. Kutilganidek bo'ldi ham. «Lochinlar» murabbiyi Ilhom Mo'minjonovning jamoasi 1-bo'limda himoyada barqaror o'yin namoyish etdi va raqibning kuchli hujumlarini bartaraf etishning uddasidan chiqdi. Nafaqat birinchi 45 daqiqalikda balki o'yinning oxirgi daqiqalariga qadar «Navbahor»ning himoyaviy pozitsiyasi deyarli xatoga yo'l qo'ymadi. Uchrashuvda o'tgan mavsum «Olmaliq» sharafini himoya qilgan Zohir Pirimov o'zining ajoyib harakatlari bilan o'zgacha taasurot qoldira oldi. Ikkinchi bo'limda jamoalar hujumkor o'yin ko'rsatishdi va natijada «Olmaliq» xatosidan foydalangan namanganliklar qarshi hujumdan unumli foydalanib, raqib darvozasani ishg'ol etishdi. Viktor Kumikov shogirdlari ham o'yinda bir nechta golli vaziyatlarni yaratishga erishdilar, Lekin, yakunda «lochinlar» g'alabaga erishdilar. Xar kuni ikki mahaldan tayyorgarlik olib borayotgan «Navbahor» 13-yanvar kuni «Mash'al»ga qarshi yana bir nazorat uchrashuvini o'tkazadi.   Akmal Eshonxonov  
— deya xabar beradi uff.uz nashri.