Toshkentdagi yig'in davomida "Navbahor" tarkibiga bir qator futbolchilarni kelib qo'shilganligi haqida xabar berib o'tgandik. Mavsumlar oralig'ida “Navbahor” jamoasiga jalb etilgan futbolchilar bilan shartnoma imzolanmoqda. Bugun “Neftchi”dan taklif etilgan himoyachi Jahongir Mehmonov va “Mash'al”dan jalb etilgan yarim himoyachi Mirzohid G'ofurovlar bilan shartnoma imzolandi. 2017 yilgi mavsumda viloyatimiz futboli tarbiyalanuvchilari «Navbahor» jamoasi sharafini himoya qilishadi. Shuningdek, jamoamiz etakchilaridan biri Dilshod Jabborov bilan ham amaldagi shartnoma muddati uzaytirildi. Bugun bo'lib o'tgan kechgi mashg'ulotlarda Zohir Pirimov qatnashmadi, taxminlarga ko'ra u boshqa jamoa ko'rigidan o'tish uchun jo'nab ketgan. "Boka Xuniors" (U-23) klubiga tegishli bo'lgan futbolchi Tohir Usmonov esa "lochinlar" mashg'ulotlarda to'liq qatnashdi. Uning jamoada qolishi yoki qolmasligi Ilhom Mo'minjonovga bog'liq bo'lib qolmoqda.
— deya xabar beradi uff.uz nashri.