Angliya Liga Kubogi yarim final ilk bahsidan o'rin olgan «Manchester Yunayted» – «Xall Siti» uchrashuvi o'z nihoyasiga etdi. «Old Trafford»da kechgan o'yinda mezbonlar 2:0 hisobida ustun keldilar. Uchrashuvning 56-daqiqasida Xuan Mata Mxitaryanning to'p uzatishidan so'ng bo'sh qolgan darvozani nishonga olishda adashmadi va jamoasini oldinga olib chiqdi. Asosiy vaqt yakunlanishiga uch daqiqa qolganda,  zaxiradan maydonga tushgan Maruan Felayni hisobni 2:0 ko'rinishiga keltirdi. Shu tariqa «Manchester Yunayted» 26 yanvarda bo'lib o'tadigan javob o'yini oldidan yaxshi natijaga erishdi. Angliya Liga Kubogi. Yarim final, Ilk uchrashuv Manchester Yunayted – Xall Siti 2:0 (0:0, 2:0) Gollar: 1:0 – 56 Mata, 2:0 – 87 Fellayni. Manchester Yunayted – De Xea, Smolling, Djons, Darmian, Valensiya, Mata (Fellayni, 79), Pogba, Errera, Mxitaryan (Lingard, 71), Runi (Marsyal, 59), Reshford. Xall Siti – Yakupovich, Maguayr, Robertson, Taymon (Uir, 90), Meyler, Klukas, Xaddlstoun, Snodgrass, Meyson, Xenriksen (Ernandes, 19), Diomande (Melouni, 74). Ogohlantirish: Maguayr (40).
— deya xabar beradi uff.uz nashri.