Yangi mavsumga tayyorgarlikni Toshkentda davom ettirayotgan G'uzorning «Sho'rtan» jamoasi bosh murabbiy yordamchisi Aleksandr Volkovni «O'zbekiston» mehmonxonasi zalida uchratdik va undan jamoa haqida qiziqtirgan savollarga to'liq javob oldik.   Avvalambor, assalomu aleykum kirib kelgan yangi yil bayrami bilan tabriklaymiz - Rahmat! Sizni ham tabriklayman. Yangi mavsum sizni g'uzorliklar safida ko'ramiz deb o'ylamagandik. - Kutilmagan ishlar bo'lib ketdi. Jamoaga yordamchi murabbiy sifatida taklif qilishdi. Endilikda «Sho'rtan»da ish olib boraman. - Jamoaning yangi mavsumga qo'yilgan vazifasi nimadan iborat. Avvalo buni rahbariyat hal qiladi. Jamoa oldiga yuqori o'rinlarni egallash vazifasi yuklatilishi ehtimoli katta. - Yangi mavsum «Sho'rtan»da qaysi futbolchilarni ko'rishimiz mumkin? - Hozircha, jamoadan kim ketishi va qolishi noma'lum. Lekin yangi mahalliy futbolchilar bilan tarkibni kuchaytiryapmiz. Yangi mavsumda o'zgacha uslubda o'ynaydigan «Sho'rtan» jamoasini ko'rasizlar. - «Sho'rtan»ga legionerlar ham kelib qo'shilishi mumkinmi? - Ha bu haqda klub mutassadilari bosh qotirishmoqda. Asosan mahalliy futbolchilardan tashkil topgan jamoa shakllantirmoqchimiz. O'zbekistonda ham legionerlardan qolishmaydigan futbolchilarimiz bor faqat ularga e'tibor berish kerak. -  Futbol muhlislariga tilaklaringiz - O'zbek futbolining muxlislariga o'z klublariga sadoqatli bo'lib qolishlari va barchalari O'zbekiston milliy terma jamoasini bir yoqadan bosh chiqarib qo'llashlarini istardim. Chunki futbol – muxlislar uchun o'ynaladi. - Samimiy so'zlaringiz uchun sizga minnatdorchiligimizni bildiramiz va faoliyatingizga omad tilaymiz - Raxmat, sizga ham yangi yil omad olib kelsin. Akmal Eshonxonov suhbatlashdi
— deya xabar beradi uff.uz nashri.