«Barselona» klubining sobiq prezidenti Joan Gaspar jamoa bosh murabbiyi Luis Enrike va himoyachi Xerard Pike bilan yuz bergan voqealarga nisbatan o'z qarashlarini bildirdi. Futbolchi so'nggi o'yinlardagi hakamlikdan norozi bo'lgan va bu ko'k-anorranglilarning natijalariga salbiy ta'sir o'tkazayotganini ta'kidlagan. O'z navbatida bosh murabbiy Pikening fikrlariga qo'shilgan, biroq himoyachiga yig'lash va shikoyat qilishdan ko'ra, o'z o'yinini ko'rsatishga urinishini maslahat bergan. «Aqlan men Luis Enrike tomonidaman, qalban esa Pike bilanman. Uning reaksiyasini tushunaman. Aqlim menga hakamlarining qarorlarini xurmat qilish kerakligini aytmoqda. Ammo mening «Barselona»ga bo'lgan hislarimdan kelib chiqib fikr qilsam, futbolchi hakamni tanqid qilishga loyiqligini tushunyapman», — deya Gaspar so'zlarini keltirmoqda Cope nashri.
— deya xabar beradi uff.uz nashri.