Madridning «Real» klubi sobiq bosh murabbiyi Bernd Shuster FIFA talqini bo'yicha eng yaxshi murabbiy Zinedin Zidan bo'lmaganidan ajablanganini aytib o'tdi. Ushbu sovrin «Lester» ustozi Klaudio Raneriga nasib etgan edi. «Men tushunmayapman, qanday qilib Raneri yilning eng yaxshi murabbiyi bo'lishi mumkin. Zidanchi? Shubhasiz o'tgan yil Zidanniki bo'ldi. Agar Zidan 2016 yilda eng yaxshisi bo'lmasa, u holda qachon bo'ladi?» — deya Shuster so'zlarini keltirmoqda Onda Cero nashri. O'tgan yili «Lester Siti» Raneri qo'l ostida ilk bor Angliya chempionligini qo'lga kiritdi. Zidan esa «Real»ni qoniqarsiz natijalar ko'rsatgan Rafaelya Benitesdan qabul qilib oldi. Uning qo'l ostida «Qirollik klubi» EChL, UEFA Superkubogi va klublar o'rtasida JChni yutib oldi.
— deya xabar beradi uff.uz nashri.