«Manchester Yunayted» klubi hujumchisi Zlatan Ibrahimovich jamoadagi kechinmalari va shaxsiy yutuqlar haqida aytib o'tdi. «To'purarlar bahsida Diego Kostani quvib o'tishni xohlaymanmi? Yo'q, men hech kimni ortidan quvmayman. Mening asosiy maqsadim – APL chempionligi. Meni qiziqtiradigan narsa shu. Qolgan barcha shaxsiy yutuqlar mana shu vazifaning qismlarini tashkil etadi. Agar jamoaviy o'yin yaxshi yo'lga qo'yilsa, shunda ba'zi futbolchilarda o'zini ko'rsatish imkoni tug'iladi. Men jamoaga yordam berishga harakat qilaman, shuningdek gollar kiritish, o'yinni tashkil qilish va sheriklarimga vaziyatlar yaratib berishga ham urinaman. Shu ishlarni qilarkanman, men jamoaga foyda keltiraman. Qolganlar ham shunday: ular menga yordam berishadi va shuning bilan birga jamoaga ham yordam berishadi. Ammo menda shaxsiy maqsad va vazivalar yo'q, chunki bu erga kelganimdan uch oydan o'tib o'z maqsadimga erishib bo'lganman. Men Angliyani ishg'ol qildim – bunga uch oy vaqt ketdi», — deydi Ibrahimovich. Ushbu mavsumda Zlatan APLning 19 o'yinida maydonga tushib, 13 gol va 3 ta golli uzatmaga mualliflik qilgan.
— deya xabar beradi uff.uz nashri.