“Barselona” jamoasi yarim himoyachisi Arda Turan “Shanxay Shenxua” klubi bilan 3 yillik shartnoma borasida kelishuvga erishdi. Ma'lumotlarga ko'ra, Xitoy klubi turkiyalik futbolchi uchun yiliga 20 mln evro to'laydi. 29 yoshli futbolchi Xitoyga ko'chib o'tishga rozilik berib bo'ldi. Ayni vaqtda futbolchining transfer qiymati borasida kelishish qoldi xolos. Arda Turan 2015 yildan buyon “Barselona” sharafini himoya qilib kelmoqda. Joriy mavsumda u kataloniyaliklarning 21 o'yinida maydonga tushib, 11 ta gol urishga muvaffaq bo'ldi. Uning amaldagi shartnomasi 2020 yilgacha mo'ljallangan. 
— deya xabar beradi uff.uz nashri.