"Chelsi" klubining skautlari "Keln"ning chap qanot himoyachisi Yonas Xektorni kuzatmoqdalar. Hozirda ushbu qanotda harakatlanayotgan Markos Alonsoning o'yinida pasayish bordek ko'rinmoqda va bu holat avj olmasidan Antonio Konte ehtiyot choralarini ko'rmoqda. Evening Standard nashrining xabariga ko'ra, londonliklar klubi skautlari "Keln"ning ikkita uchrashuvini kuzatganlar. Ushbu o'yinlarda Xektor yaxshi ta'surot qoldirgan. Xabarda aytilishicha, "ko'klar" 26 yoshli germaniyalik futbolchini qo'lga kiritishga urinib ko'radilar. Yonasning taxminiy transfer bahosi 25 mln funt ekanligi aytilmoqda.
— deya xabar beradi uff.uz nashri.