«Chelsi» klubi bosh murabbiyi Antonio Konte jamoa hujumchisi Diego Kosta bilan janjallashib qolgani to'g'risida xabar qilgandik. Kosta mashg'ulotlar paytida murabbiylar shtabi hodimlari bilan tortishib qolgan. Konte shtab hodimlarining fikrini ma'qullagan va shundan so'ng hujumchi bilan janjallashib ketgan. Janjal so'nggida italiyalik mutaxassis hujumchiga: «Xitoyinga yo'qol», - deya baqirgan. Kontening bunday deyishiga sabab, hujumchi Xitoy klubidan yaxshigina taklif olgani va bu taklif uni eng ko'p maosh oladigan futbolchiga aylantirishi aytilmoqda. Avvalroq, «Chelsi» ustozi Diegoni «Lester»ga qarshi kechadigan uchrashuv qaydnomasiga kiritmagani aytilgan edi.
— deya xabar beradi uff.uz nashri.