14 yanvar-5 fevral kunlari Gabonda bo'lib o'tadigan Afrika millatlar kubogi «qora qit'a» futbolidagi bosh turnirdir. Milliy jamoalar o'rtasidagi bu musobaqa 2013 yildan har toq yilda tashkillashtirilyapti. Gabon-2017 turniri hisob bo'yicha 31-AMKdir. Uning g'olibi Rossiya mezbonlik qiladigan Konfederatsiyalar kubogi-2017da ishtirok etadi (Meksika, Avstraliya va Yangi Zelandiya termalari bilan bitta guruhda). Aslida bo'lajak turnirning mezbonlik vakolati avvaliga Liviyaga berilgandi. Aniqrog'i, bu mamlakat AMK-2013ni qabul qilish huquqidan mahrum etilgan va unga 2017 yilgi musobaqani topshirish ko'zda tutilgandi. Biroq Afrika futbol konfederatsiyasi 2014 yilning avgustida mamlakatda fuqarolar urushi avj olgani bois, u erda turnir o'tkazish imkoniyati yo'qligini ma'lum qildi. 2015 yilning 8 aprel kuni AFK Ijroiy qo'mitasi ovoz berish yo'li bilan yangi mezbonni tanladi. Gabonliklarning tanlovda Jazoir va Ganadan ustun kelishlarida AMK-2012ni Ekvatorial Gvineya bilan birga tashkillashtirishgani va mamlakatda infratuzilma nisbatan tayyorligi muhim rol o'ynadi. E'tiborlisi, mazkur turnir Gabonda 60 yillik yubileyini nishonlaydi. AMK-2017 o'yinlarini Librevil, Fransevil, Oyem va Port Jentil shaharlaridagi stadionlar (sig'imi kamida 20 ming) qabul qiladi. Bu yilgi turnirda ham 16ta terma jamoa ishtirok etadi. Gabon termasi mezbon sifatida avtomatik ravishda yo'llanma olgan bo'lsa, qolgan 15ta ishtirokchi 2015 yil 12 iyun-2016 yil 4 sentyabr oralig'ida o'tkazilgan saralash bosqichi vositasida aniqlandi. Aytish joiz, turnirning 2013 yilgi g'olibi - Nigeriya termasi kvalifikatsion raundda omadsizlikka yuz tutdi. «Superburgutlar» Misr, Tanzaniya va Chad termalari bilan bitta guruhda kurash olib borishdi. Chad jamoasi moliyaviy muammolar sabab, saralashni yakunlay ham olmadi. Uganda va Togo milliy jamoalari esa eng yaxshi ko'rsatkichga ega 2-o'rin sohiblari sifatida yo'llanma olishdi. Guruhlar tarkibi «A»: Gabon, Burkina-Faso, Kamerun, Gvineya-Bisau «V»: Jazoir, Tunis, Senegal, Zimbabve «C»: Kot-d~Ivuar, Kongo DR, Marokash, Togo «D»: Gana, Mali, Misr, Uganda Musobaqada porlashi kutilayotgan futbolchilar Riyod Mahrez, Islom Slimani, Yosin Braimi (Jazoir), Sado Mane, Kalibu Kulibali (Senegal), Muhammad Saloh (Misr), Erik Bayi, Vilfred Boni (Kot-d~Ivuar), Bertran Traore (Burkina-Faso), Edgar Salli, Vinsent Abubakar (Kamerun), Baba Rahmon, Andre Ayyu (Gana), Per-Emerik Obameyang (Gabon), Mehdi Benatiya (Marokash), Sedrik Bakambu (Kongo DR), Aymen Abdennur (Tunis), Adama Traore (Mali) Musobaqada ishtirok etadigan tanish futbolchilar Sharl Kabore (Burkina-Faso), Mussa Dumbiya (Mali), Guelor Kanga (Gabon), Rais M~Boli (Jazoir), Mussa Konate (Senegal), Mehdi Karsela-Gonsales, Muborak Bussufa (Marokash), Jonatan Mensa, Muborak Vakaso (Gana) Musobaqada ishtirok etadigan mashhur murabbiylar Xose Antonio Kamacho (Gabon), Avraam Grant (Gana), Alen Jiress (Mali), Ektor Kuper (Misr) AMKning barcha chempionlari 7 marta Misr (1957, 1959, 1986, 1998, 2006, 2008, 2010) 4 martadan Gana (1963, 1965, 1978, 1982); Kamerun (1984, 1988, 2000, 2002) 3 marta Nigeriya (1980, 1994, 2013) 2 martadan Kongo DR (1968, 1974); Kot-d~Ivuar (1992, 2015) 1 martadan Efiopiya (1962); Sudan (1970); Kongo (1972); Marokash (1976); Jazoir (1990); JAR (1996); Tunis (2004); Zambiya (2012) Fakt. Navbatdagi turnirda avvalgi chempionlardan Misr, Gana, Kamerun, Marokash, Jazoir, Kot-d~Ivuar, Tunis, Kongo DR milliy jamoalarigina ishtirok etishadi. Gvineya-Bisau termasiesa AMKda o'z debyutini nishonlaydi.  Davomi Interfutbol.uz saytida.
— deya xabar beradi uff.uz nashri.