Angliya chempionatining 21-turidan o'rin olgan “Tottenxem” – “Vest Bromvich” uchrashuvi o'z nihoyasiga etdi. Ushbu uchrashuvda “taqachilar” raqiblariga hech qanday imkon qoldirmadilar. Uchrashuvning 12-daqiqasidayoq Xarri Keyn jamoasini oldinga olib chiqqan bo'lsa, 26-daqiqada mehmonlar vakili Makoli o'z darvozasini ishg'ol qilib qo'ydi. Bahsning 77-daqiqasida yana Keyn o'z hisobiga gol yozib qo'ydi va besh daqiqadan so'ng xet-trik qayd etib, jamoasining yirik g'alabasiga o'z xissasini qo'shdi. Angliya chempionati. 21-tur Tottenxem – Vest Bromvich 4:0 (2:0, 2:0) Gollar: 1:0 – 12 Keyn, 2:0 – 26, avtogol Makoli, 3:0 – 77 Keyn, 4:0 – 82 Keyn. Tottenxem – Loris, Vertongen (Devis, 64), Rouz, Uoker, Alderveyreld, Dembele (Uinks, 83), Dayer, Eriksen, Vanyama, Alli, Keyn (Son Xyon Min, 90). Vest Bromvich – Foster, Olsson, Makoli, Douson, Brant (Makkleyn, 54), Fletcher, Yakob, Morrison, Fillips (Fild, 90), Shadli (Robson-Kanu, 62), Rondon. Ogohlantirishlar: Olsson (64), Makoli (70).
— deya xabar beradi uff.uz nashri.