Birinchi Liganing 15-tur o'yinlari oldidan jamoalarning imkoniyatlariga to'xtalib o'tamiz.
"Yozyovon" - "Lokomotiv-BFK"
Ushbu o'yinning ahamiyati yuqori. Ayniqsa, "Lokomotiv-BFK" o'yinchilari uchun. Ular ayni damda birinchi ligada qolish uchun kurashishmoqda. "Yozyovon" esa ancha yuqorillab ketganligi inobatga olsak, o'yinda ko'proq toshkentliklar g'alaba uchun o'ynaydi. Lekin mezbonlarning ham g'alaba qozonishi imkoniyati yuqoriroq hisoblanadi.
Imkoniyatlar: 60/40
"Kosonsoy" - "Xorazm"
Moliyaviy qiyinchiliklarni boshdan kechirayotganlar o'rtasidagi o'yin ham ko'pchilikni diqqat markazida turibdi. "Kosonsoy" ham autsayderlar qatorida turibdi. Jamoa 11-o'rinda bo'lishiga qaramay, 15-o'rindagi "Lokomotiv-BFK"dan atiga uch ochko ko'proq to'plagan xolos. "Xorazm" safarda g'alab qozonadigan bo'lsa, 4-o'rin uchun kurashdagi imkoniyatini ko'tarib oladi.
Imkoniyatlar: 50/50
"Oq-tepa" - "Mash'al-2"
Oliy ligaga chiqish uchun juda yaqin turgan "Oq-tepa" jamoasi futbolchilari bugun "Mash'al-2"ni qabul qiladi. Tan olish kerak, bu erda mezbonlarning ustunligi bor. Ular yosh "gazchilar"dan tajriba va mahorat borasida ancha ustun hisoblanadi. Toshkentdagi o'yinda mezbonlar muvaffaqiyat qozonishi mumkin.
Imkoniyatlar: 70/30
"Paxtakor-2" - "Orol"
Bu o'yinda durang natija qayd etilishi mumkin. Agar orolliklar qandaydir muammoga duch kelishmasa, g'alaba qozonib ketishlari imkoniyati mavjuddir.
Imkoniyatlar: 50/50
"UzDongJu" - "Nasaf-2"
Vodiyliklar ayni damda 3-o'rinda turibdi. Mehmonlar esa autsayderlar qatoridan joy egallashgan. Shundan kelib chiqib aytadigan bo'lsak, mezbonlar g'alaba qozonishlari aniq. Ular bu mavsumni ajoyib tarzda o'tkazishmoqda.
Imkoniyatlar: 60/40
"Xotira" - "Obod"
Bu o'yinda favorit so'zssiz "Obod" futbolchilari hisoblanadi. Bu jamoa ham oliy ligaga yo'llanma olish istagida bor kuchini sarflamoqda. Uychiliklar esa mavsum boshlanganidan beri omadsizliklardan boshi chiqmayapti. Ushbu bahsda "Obod" g'alaba qozonishni uddasidan chiqa olishsa kerak.
Imkoniyatlar: 40/60
"Tsementchi" - "Zomin"
Turning qiziqarli o'yinlaridan biri "Tsementchi" klubi maydonida bo'lib o'tadi. "Zomin"ga qarshi  mezbonlarning jiddiy bahs kutmoqda. Xabringiz bor, bu jamoalar turnir jadvalida yonma-yon turishibdi. Shunday kelib chiqib aytsak, o'yin qiziqarli o'tadi. "Zomin" safida bir qator o'yinchilar bu bahsda maydonga tusha olishmaydi. Bu esa mezbonlarga yana bir ustunlikni taqdim qildi.
Imkoniyatlar: 60/40

— deya xabar beradi uff.uz nashri.