Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Alisher Ahmedov: Tez orada meni termada ko'rasizlar
Faoliyati davomida «So'g'diyona», «UzDongJu», «Nasaf», «Neftchi», «Registon», «Gefest» (Karaganda, Qozog'iston) jamoalarida to'p surgan darvozabon Alisher Ahmedov ayni paytda Maldiv orollarining «Nyu-Radiant» klubi sharafini himoya qilmoqda.
Bu jamoa ushbu mamlakat oliy ligasi vakili bo'lib, amaldagi chempion hisoblanadi. «Nyu-Radiant» turnir jadvalida karvonboshilikni davom ettiryapti. Albatta, klubning bu muvaffaqiyatlarida hamyurtimizning ham hissasi bor. Biz navbatdagi tur oldidan Alisher Ahmedov bilan bog'lanib, undan intervyu oldik.
- Alisher, futbolga ilk qadam qo'ygan paytlaringizni yodga olsak. Futbolni tanlashingizga kim sababchi bo'lgan?
- Esimni tanibmanki, millionlar o'yiniga mehrim o'zgacha. O'sha kezlari Jizzax shahrida 5-6ta jamoa bo'lardi. Ertalabdan to to'p ko'rinmay qolguncha futbol o'ynardik. Futbolni tanlashimga oilaviy muhit ham ta'sir o'tkazgan. Chunki dadam sportning bu turini juda yaxshi ko'radilar. Futbolga bo'lgan mehr aynan ulardan o'tgan, desam mubolag'a bo'lmaydi. Mahallamizda «So'g'diyona» tarkibida o'ynaydigan futbolchilar istiqomat qilishardi. Maktabimizning mo''jazgina stadonida to'p surgan paytlarimiz ular meni darvozaga qo'yishardi.
Fursatdan foydalanib, bu futbolchilarga rahmat aytmoqchiman, chunki qaysidir ma'noda, darvozabonlikni tanlashimga ular sababchi bo'lishgan. Oila a'zolarim orasida dadamdan boshqa hamma futbol o'ynashimga qarshi chiqishardi. Sababi, bir necha bor uyga oyog'im shikastlanib, qo'lim singan holda qaytardim. Kunlarning birida Toshkentdagi Respublika Olimpiya zaxiralari kollejida tahsil olayotgan do'stim qo'ng'iroq qilib, darvozabon kerak ekanligi va o'zimni sinab ko'rishim mumkinligini bildirdi. Bu taklifga hech ikkilanishsiz rozi bo'ldim. Imtihon va me'yorlarni topshirib, o'qishga qabul qilindim. Kollejda Odil Ahmedov bilan birga o'qish baxti nasib etdi. Qolaversa, o'sha paytda yoshlar terma jamoasi murabbiyi bo'lgan Islom Ahmedovning nazariga tushdim. Professional darvozabon sifatida etishishimda bu mutaxassisning hissasi beqiyos. Ulardan umrbod minatdorman.
- Futbolchilik faoliyatingiz Jizzaxda boshlangan ekan. Birinchi professional shartnomangiz qachon va qaysi klub bilan imzolangan?
- Olimpiya zaxiralari kollejida o'qib yurgan kezlarim «So'g'diyona» klubining o'sha paytdagi bosh murabbiyi Suyun Murtazoev meni jamoaga taklif qildilar. Shu tariqa, 2004 yili ilk professional shartnomamga imzo chekkanman.
- Hujumchi sifatida tanilish nisbatan osonroq. Nega aynan darvozabon bo'lishni xohladingiz?
- Kollejga o'qishga kelishdan oldin hujumchi ampluasida o'ynaganman. Yoshlar jamoasida gollar ham urganman. Bir kuni jamoamiz darvozaboni o'yinga kelmay qolgan. Shunda murabbiyimiz posbonlik vazifasini menga topshirgandi. O'sha uchrashuvda darvozamiz daxlsizligini saqlab qolganman, bir nechta seyvlarni amalga oshirganman. O'yinni kuzatib o'tirganlar orasida selektsioner murabbiylar ham bor edi. Mana shu uchrashuvdan so'ng darvozabon bo'lish istagi tug'ildi va aytib o'tganimdek, olimpiya zaxiralari kollejiga o'qishga kirdim. Bejizga darvozabon - yarim jamoa, deyishmaydi. Buning o'ziga yarasha kattagina mas'uliyati ham bor.
- O'z vaqtida «Nasaf»da o'ynagansiz. Bu klubdan qanday taasurotlar qolgan?
- Birinchi galda qarshiliklarning O'zbekiston kubogini qo'lga kiritishgani munosabati bilan barcha futbolchilar, klub rahbariyati, murabbiylar shtabi va muxlislarini chin yurakdan tabiklayman. «Nasaf» jamoasi tarix kitobida nomim borligidan faxrlanaman. Bu klubga o'tishimga o'sha paytda Qarshi jamoasi o'rinbosarlariga ustozlik qilgan Vitaliy Legay sababchi bo'lgandi. Yarim davra o'rinbosarlar safida o'ynaganimdan keyin asosiy jamoa bosh murabbiyi Viktor Kumikov meni o'z tarkibiga jalb etgan. O'sha mavsum oxirigacha asosiy tarkib bilan birga yurdim va yakunda O'zbekiston chempionatining bronza medallarini qo'lga kiritdik. Bunday baza va klubda yaratilgan sharoitlar oliy liganing hech bir jamoasida yo'q. Buni ishonch bilan ayta olaman.
- Qozog'istondan tushgan taklif haqida gapirsangiz.
- Karaganda shahrining «Gefest» klubi Toshkentda yig'in o'tkazgan. Bu jamoa murabbiylari mavsumoldi nazorat o'yinlarimizda mening harakatlarimni ko'rib, so'ngra tarkiblariga chaqirishdi. E'tiborlisi, to'g'ridan-to'g'ri, hech qanday ko'riksiz shartnoma taklif qilishdi. Qizig'i shunda ediki, Karaganda shahrining asosiy jamoasi hisoblangan «Shaxtyor»ga Viktor Kumikov bosh murabbiylik qilardi. Shuni inobatga olib, mazkur taklifga rozilik berdim.
- Odil Ahmedov bilan birga o'qiganman, dedingiz. U kollejda qanday o'qirdi? O'sha paytda ham etakchilik qobiliyatiga egamidi?
- Odil har joyda etakchi, kuchli, irodali futbolchi bo'lgan. Shu xislati hozir ham bor. Lekin shuncha yutuqlarga erishganiga qaramay, maydonda ham, hayotda ham juda kamtarin inson.
- Odildan tashqari, o'sha paytda siz bilan birga tahsil olgan futbolchilardan qaysilari hozir ham futbolda faoliyat yuritishyapti?
- Mirzakamol Kamolov, Muqimjon Toshmatov, Sardor Qobuljonov, Rahmatillo Berdimurodov kabi do'stlarimiz bugungi kunda oliy liga jamoalari safida o'ynashyapti.
- Maldiv orollari chempionatida o'ynagan birinchi o'zbekistonlik futbolchi bo'ldingiz? Xo'sh, nega aynan Maldiv?
- O'tgan yili qishda Vadim Abramov «Lokomotiv»ga taklif qilgandi. Jamoa bilan birga mavsumoldi 3-4ta nazorat uchrashuvida maydonga tushdim. Barcha o'yinlarda asosiy tarkibda o'ynadim. Shu o'rinda Vadim Karlenovich haqida ijobiy fikrlarimni bildirmoqchiman. Abramov tajribali murabbiy. Hayotda ham ajoyib inson. Hamma bilan bir xil munosabatda bo'ladi. Hech kimni ajratib ko'rsatmaydi. O'sha payt Maldiv chempionidan ham taklif keldi. «Nyu-Radiant» klubining OFK kubogida ishtirok etishini inobatga olib, bu chorlovga rozilik berdim.
- Kim taklif qildi?
- Shaxsan jamoa bosh murabbiyining o'zi chaqirdi. U internet tarmog'i orqali o'yinlarim tasvirlangan videolavhani ko'rgan ekan. Hammasi ikki kun ichida ijobiy hal bo'ldi. Maldivga bordim va klub bilan shartnoma imzoladim.
- Namuncha tez, ko'rik bo'lmadimi?
- Yo'q. Ko'rik faqat O'zbekistonda bo'ladi (kuladi). Boshqa kuchli chempionatlarni ham qarasangiz, u erdagi klublar uzoq muddatli kuzatishlardan so'nggina ma'lum bir futbolchini taklif qilib, shartnoma imzolashadi. Bizda esa umuman boshqa holat.
- Maldiv varianti sizni nimasi bilan o'ziga jalb qildi?
- Birinchi galda «Nyu-Radiant» klubining mamlakat chempioni ekanligi. Shuningdek, jamoaning OFK kubogida ishtirok etishi shartnomaga imzo chekishimga turtki bo'ldi.
- Yangi muhitga ko'nikish qiyin kechmadimi?
- Ochig'i, begona yurt, notanish odamlar, til muammosi dastlab qiyinchilik tug'dirdi. Lekin vaqt o'tishi bilan bunga ko'nikdim. Shu o'rinda klub rahbariyatining yuqori saviyada va iliq tarzda kutib olishganini ham e'tirof etishim kerak. Jamoa tarkibiga qo'shilganimdan so'ng bir hafta o'tib, OFK kubogi doirasidagi birinchi o'yinimda maydonga tushdim. Biz safarda Indoneziya chempioniga qarshi to'p surdik. Shu tariqa, «Nyu-Radiant» safidagi faoliyatim boshlandi. Guruhning barcha o'yinlarida eng yaxshi futbolchi deb topildim va buning natijasi o'laroq, guruh bosqichining ramziy terma jamoasiga kiritildim. O'ziga yarasha muxlislar orttirdim, mutaxassislar nigohini o'zimga qarata oldim.
- Maldiv chempionatining saviyasi qanday ekan? O'zbekiston birinchi ligasi bilan taqqoslasa bo'ladimi?
- Imkoniyatlar deyarli teng. Hattoki, ayrim jamoalar oliy ligada ham bemalol kuchlilar safida yurishlari mumkin. Maldiv elitasida 8ta jamoa ishtirok etadi. Bu klublar moliyaviy jihatdan barqaror va bir-biriga munosib. Raqobat juda kuchli. Engil o'yinning o'zi yo'q. Tanishlarim, futbolchi do'stlarim bilan gaplashganimda, ularning aksariyati Maldiv futboliga past nazar bilan qarashlarini aytishadi. Balki kichik davlat bo'lgani uchun shunday fikr bildirishayotgandir. Lekin sizlarni ishontirib aytishim mumkinki, Maldiv chempionati Osiyoda o'ziga yarasha kuch va o'ringa ega.
- Stadionlarning holati, futbol infratuzilmasi-chi? Chempionat qanday tizimda o'tkaziladi?
- Uy stadionimiz o'z bag'riga 25000 tomoshabinni sig'dira oladi. Maydonning holati a'lo darajada. Men kelgunimga qadar chempionat o'yinlari to'rt davrali bo'lgan ekan. Joriy yildan esa uchta davrada tashkil etilyapti. Bundan tashqari, mamlakat kubogi va Prezident kubogi musobaqalari ham o'tkaziladi. Nufuzi jihatidan OChLdan so'ng ikkinchi o'rinda turuvchi OFK kubogida Maldivning 2ta klubi ishtirok etadi.
- Mamlakat rahbariyati futbolni qo'llab-quvvatlayaptimi?
- Albatta. Aynan shuning natijasida Maldivda futbol jadal sur'atlarda rivojlanib boryapti. Klublar baquvvat homiylarga ega. Mahalliy aholi ham futbolga qiziqishadi. Har bir o'yinga kamida 15 ming muxlis tashrif buyuradi.
- Futbolchilarning o'rtacha maosh miqdori, legionerlarga qancha haq to'lanishi xususida ham gapirsangiz.
- Bu haqida ma'lumotga ega emasman. Har bir futbolchi shartnomasida ko'rsatilgan mablag'ni oladi. Shaxsan mening maoshim sir bo'la qolsin. Lekin shunisi aniqki, O'zbekiston chempionatida berilayotganidan ko'proq pul olyapman.
- Maoshlar vaqtida beriladimi yoki uzilishlar ham bo'ladimi?
- Bu borada hech qanday muammo yo'q.
- Til masalasida ijobiy o'zgarishlar bormi?
- Ha, ingliz tilini o'rgandim. Hozir jamoadoshlarim bilan bemalol gaplashyapman.
- Maldiv chempionatida legionerlarga cheklov yo'qmi?
- Bor. Har bir klub 4 nafardan xorijlik futbolchini ro'yxatdan o'tkazishi mumkin.
- Qaerda yashayapsiz?
- Dastlabki kunlari klub bazasida istiqomat qildim. Keyinchalik esa alohida uy berishdi.
- Murabbiy bilan munosabatlaringiz qanday?
- Yaqinda jamoaga yangi mutaxassis tayinlandi. Hozir serbiyalik Nikola Kovajich jamoamizga murabbiylik qilyapti. Rus tilini yaxshi bilar ekan, ikkimiz ruschada so'zlashamiz. U bundan avval Tojikiston, Shri-Lanka terma jamoalarida faoliyat yuritgan. Dushanbening «Istiqlol» klubi bilan OFK prezidenti kubogini yutgan.
- Klubda sizdan boshqa yana legionerlar bormi?
- Ha, ikki nafar nigeriyalik va bir slovakiyalik futbolchi o'ynaydi.
- Maldiv chempionatida o'zbekistonlik futbolchilar soni ko'payishi mumkinmi? Kimgadir buni tavsiya qilib ko'rmadingizmi?
- Albatta. Legioner maqomida o'ynashni kim ham istamaydi? Nasib qilsa, yaqin kunlarda Maldivda o'zbekistonlik futbolchi paydo bo'lsa, bundan ajablanmayman.
- «Nyu-Radiant» rahbariyati klub oldiga qanday vazifa qo'ygan?
- Faqat chempionlik va o'zimiz ishtirok etadigan kubok bahslarida ham birinchi bo'lish vazifasi qo'yilgan. Ko'z tegmasin, hozircha turnir jadvalida mag'lubiyatsiz peshqadamlik qilishda davom etyapmiz. Kelasi mavsum yana OFK kubogida qatnashamiz. Bu musobaqada imkon qadar uzoqroqqa etib borishni maqsad qilganmiz.
- Bu yilgi OFK kubogidagi ishtirokingiz klub rahbarlari tomonidan qanday baholandi?
- O'rtacha. Chunki mavsum davomida jamoada ikki marotaba bosh murabbiy o'zgardi. Shunday bo'lsada, musobaqada yomon qatnashmadik.
- Jamoa bilan shartnomangiz qancha muddatga imzolangan?
- Shu yil noyabr oyida yakunlanadi.
- Kelishuvni uzaytirish istagi bormi?
- Shu bo'yicha taklif bilan chiqishdi. Lekin shartnomani uzaytirishga shoshilmayapman. Bunga etarlicha asoslar bor. Juda yaxshi sharoitlarga ega ko'plab takliflar tushyapti.
- Qiziqish boshqa davlat klublari tomonidan bo'lyaptimi?
- Xuddi shunday.
- Aynan qaysi jamoalardan?
- Hozircha buni aytolmayman. Chunki hali hech narsa hal bo'lmadi. Ammo shunisi aniqki, bu mamlakat va uning klubi ancha kuchli, Osiyoda o'z o'rniga ega. Tez orada bundan xabar topasiz.
- Tasavvur qiling, jamoangiz O'zbekiston oliy ligasida ishtirok etsa, yakunda 16ta klub orasida nechanchi o'rinni egallashi mumkin?
- Bemalol kuchli beshlikdan joy olardi. Bunga ishonchim komil.
- Shu zayl o'sishda davom etsangiz, sizda milliy terma jamoada to'p surish imkoniyati yuzaga kelishi mumkin. Bu borada ham o'ylab ko'rdingizmi?
- Albatta. Eng katta orzum va maqsadim - milliy termamiz tarkibida maydonga tushish. Aynan shu niyatni amalga oshirish uchun ham kuchliroq chempionatga yo'l olmoqchiman. Nasib qilsa, tez orada meni milliy terma jamoa libosida ko'rasiz, degan umiddaman.
MA'LUMOT UChUN
Alisher Ahmedov
Tug'ilgan sanasi va manzili: 1987 yil 4 avgust, Jizzax viloyati
Ampluasi: darvozabon
Bo'yi: 191 sm. Vazni: 85 kg.
Faoliyati: 2004-2008 - «So'g'diyona»; 2008-2009 - «UzDongJu»; 2009-2011 - «Nasaf»; 2011-2012 «Neftchi»; 2012-2013 - «Registon»; 2013-2014 - «Gefest» (Karaganda, Qozog'iston); 2015 - «Nyu Radiant» (Maldiv orollari)
Manba: "InterFUTBOL" gazetasi
— deya xabar beradi uff.uz nashri.
Bu jamoa ushbu mamlakat oliy ligasi vakili bo'lib, amaldagi chempion hisoblanadi. «Nyu-Radiant» turnir jadvalida karvonboshilikni davom ettiryapti. Albatta, klubning bu muvaffaqiyatlarida hamyurtimizning ham hissasi bor. Biz navbatdagi tur oldidan Alisher Ahmedov bilan bog'lanib, undan intervyu oldik.
- Alisher, futbolga ilk qadam qo'ygan paytlaringizni yodga olsak. Futbolni tanlashingizga kim sababchi bo'lgan?
- Esimni tanibmanki, millionlar o'yiniga mehrim o'zgacha. O'sha kezlari Jizzax shahrida 5-6ta jamoa bo'lardi. Ertalabdan to to'p ko'rinmay qolguncha futbol o'ynardik. Futbolni tanlashimga oilaviy muhit ham ta'sir o'tkazgan. Chunki dadam sportning bu turini juda yaxshi ko'radilar. Futbolga bo'lgan mehr aynan ulardan o'tgan, desam mubolag'a bo'lmaydi. Mahallamizda «So'g'diyona» tarkibida o'ynaydigan futbolchilar istiqomat qilishardi. Maktabimizning mo''jazgina stadonida to'p surgan paytlarimiz ular meni darvozaga qo'yishardi.
Fursatdan foydalanib, bu futbolchilarga rahmat aytmoqchiman, chunki qaysidir ma'noda, darvozabonlikni tanlashimga ular sababchi bo'lishgan. Oila a'zolarim orasida dadamdan boshqa hamma futbol o'ynashimga qarshi chiqishardi. Sababi, bir necha bor uyga oyog'im shikastlanib, qo'lim singan holda qaytardim. Kunlarning birida Toshkentdagi Respublika Olimpiya zaxiralari kollejida tahsil olayotgan do'stim qo'ng'iroq qilib, darvozabon kerak ekanligi va o'zimni sinab ko'rishim mumkinligini bildirdi. Bu taklifga hech ikkilanishsiz rozi bo'ldim. Imtihon va me'yorlarni topshirib, o'qishga qabul qilindim. Kollejda Odil Ahmedov bilan birga o'qish baxti nasib etdi. Qolaversa, o'sha paytda yoshlar terma jamoasi murabbiyi bo'lgan Islom Ahmedovning nazariga tushdim. Professional darvozabon sifatida etishishimda bu mutaxassisning hissasi beqiyos. Ulardan umrbod minatdorman.
- Futbolchilik faoliyatingiz Jizzaxda boshlangan ekan. Birinchi professional shartnomangiz qachon va qaysi klub bilan imzolangan?
- Olimpiya zaxiralari kollejida o'qib yurgan kezlarim «So'g'diyona» klubining o'sha paytdagi bosh murabbiyi Suyun Murtazoev meni jamoaga taklif qildilar. Shu tariqa, 2004 yili ilk professional shartnomamga imzo chekkanman.
- Hujumchi sifatida tanilish nisbatan osonroq. Nega aynan darvozabon bo'lishni xohladingiz?
- Kollejga o'qishga kelishdan oldin hujumchi ampluasida o'ynaganman. Yoshlar jamoasida gollar ham urganman. Bir kuni jamoamiz darvozaboni o'yinga kelmay qolgan. Shunda murabbiyimiz posbonlik vazifasini menga topshirgandi. O'sha uchrashuvda darvozamiz daxlsizligini saqlab qolganman, bir nechta seyvlarni amalga oshirganman. O'yinni kuzatib o'tirganlar orasida selektsioner murabbiylar ham bor edi. Mana shu uchrashuvdan so'ng darvozabon bo'lish istagi tug'ildi va aytib o'tganimdek, olimpiya zaxiralari kollejiga o'qishga kirdim. Bejizga darvozabon - yarim jamoa, deyishmaydi. Buning o'ziga yarasha kattagina mas'uliyati ham bor.
- O'z vaqtida «Nasaf»da o'ynagansiz. Bu klubdan qanday taasurotlar qolgan?
- Birinchi galda qarshiliklarning O'zbekiston kubogini qo'lga kiritishgani munosabati bilan barcha futbolchilar, klub rahbariyati, murabbiylar shtabi va muxlislarini chin yurakdan tabiklayman. «Nasaf» jamoasi tarix kitobida nomim borligidan faxrlanaman. Bu klubga o'tishimga o'sha paytda Qarshi jamoasi o'rinbosarlariga ustozlik qilgan Vitaliy Legay sababchi bo'lgandi. Yarim davra o'rinbosarlar safida o'ynaganimdan keyin asosiy jamoa bosh murabbiyi Viktor Kumikov meni o'z tarkibiga jalb etgan. O'sha mavsum oxirigacha asosiy tarkib bilan birga yurdim va yakunda O'zbekiston chempionatining bronza medallarini qo'lga kiritdik. Bunday baza va klubda yaratilgan sharoitlar oliy liganing hech bir jamoasida yo'q. Buni ishonch bilan ayta olaman.
- Qozog'istondan tushgan taklif haqida gapirsangiz.
- Karaganda shahrining «Gefest» klubi Toshkentda yig'in o'tkazgan. Bu jamoa murabbiylari mavsumoldi nazorat o'yinlarimizda mening harakatlarimni ko'rib, so'ngra tarkiblariga chaqirishdi. E'tiborlisi, to'g'ridan-to'g'ri, hech qanday ko'riksiz shartnoma taklif qilishdi. Qizig'i shunda ediki, Karaganda shahrining asosiy jamoasi hisoblangan «Shaxtyor»ga Viktor Kumikov bosh murabbiylik qilardi. Shuni inobatga olib, mazkur taklifga rozilik berdim.
- Odil Ahmedov bilan birga o'qiganman, dedingiz. U kollejda qanday o'qirdi? O'sha paytda ham etakchilik qobiliyatiga egamidi?
- Odil har joyda etakchi, kuchli, irodali futbolchi bo'lgan. Shu xislati hozir ham bor. Lekin shuncha yutuqlarga erishganiga qaramay, maydonda ham, hayotda ham juda kamtarin inson.
- Odildan tashqari, o'sha paytda siz bilan birga tahsil olgan futbolchilardan qaysilari hozir ham futbolda faoliyat yuritishyapti?
- Mirzakamol Kamolov, Muqimjon Toshmatov, Sardor Qobuljonov, Rahmatillo Berdimurodov kabi do'stlarimiz bugungi kunda oliy liga jamoalari safida o'ynashyapti.
- Maldiv orollari chempionatida o'ynagan birinchi o'zbekistonlik futbolchi bo'ldingiz? Xo'sh, nega aynan Maldiv?
- O'tgan yili qishda Vadim Abramov «Lokomotiv»ga taklif qilgandi. Jamoa bilan birga mavsumoldi 3-4ta nazorat uchrashuvida maydonga tushdim. Barcha o'yinlarda asosiy tarkibda o'ynadim. Shu o'rinda Vadim Karlenovich haqida ijobiy fikrlarimni bildirmoqchiman. Abramov tajribali murabbiy. Hayotda ham ajoyib inson. Hamma bilan bir xil munosabatda bo'ladi. Hech kimni ajratib ko'rsatmaydi. O'sha payt Maldiv chempionidan ham taklif keldi. «Nyu-Radiant» klubining OFK kubogida ishtirok etishini inobatga olib, bu chorlovga rozilik berdim.
- Kim taklif qildi?
- Shaxsan jamoa bosh murabbiyining o'zi chaqirdi. U internet tarmog'i orqali o'yinlarim tasvirlangan videolavhani ko'rgan ekan. Hammasi ikki kun ichida ijobiy hal bo'ldi. Maldivga bordim va klub bilan shartnoma imzoladim.
- Namuncha tez, ko'rik bo'lmadimi?
- Yo'q. Ko'rik faqat O'zbekistonda bo'ladi (kuladi). Boshqa kuchli chempionatlarni ham qarasangiz, u erdagi klublar uzoq muddatli kuzatishlardan so'nggina ma'lum bir futbolchini taklif qilib, shartnoma imzolashadi. Bizda esa umuman boshqa holat.
- Maldiv varianti sizni nimasi bilan o'ziga jalb qildi?
- Birinchi galda «Nyu-Radiant» klubining mamlakat chempioni ekanligi. Shuningdek, jamoaning OFK kubogida ishtirok etishi shartnomaga imzo chekishimga turtki bo'ldi.
- Yangi muhitga ko'nikish qiyin kechmadimi?
- Ochig'i, begona yurt, notanish odamlar, til muammosi dastlab qiyinchilik tug'dirdi. Lekin vaqt o'tishi bilan bunga ko'nikdim. Shu o'rinda klub rahbariyatining yuqori saviyada va iliq tarzda kutib olishganini ham e'tirof etishim kerak. Jamoa tarkibiga qo'shilganimdan so'ng bir hafta o'tib, OFK kubogi doirasidagi birinchi o'yinimda maydonga tushdim. Biz safarda Indoneziya chempioniga qarshi to'p surdik. Shu tariqa, «Nyu-Radiant» safidagi faoliyatim boshlandi. Guruhning barcha o'yinlarida eng yaxshi futbolchi deb topildim va buning natijasi o'laroq, guruh bosqichining ramziy terma jamoasiga kiritildim. O'ziga yarasha muxlislar orttirdim, mutaxassislar nigohini o'zimga qarata oldim.
- Maldiv chempionatining saviyasi qanday ekan? O'zbekiston birinchi ligasi bilan taqqoslasa bo'ladimi?
- Imkoniyatlar deyarli teng. Hattoki, ayrim jamoalar oliy ligada ham bemalol kuchlilar safida yurishlari mumkin. Maldiv elitasida 8ta jamoa ishtirok etadi. Bu klublar moliyaviy jihatdan barqaror va bir-biriga munosib. Raqobat juda kuchli. Engil o'yinning o'zi yo'q. Tanishlarim, futbolchi do'stlarim bilan gaplashganimda, ularning aksariyati Maldiv futboliga past nazar bilan qarashlarini aytishadi. Balki kichik davlat bo'lgani uchun shunday fikr bildirishayotgandir. Lekin sizlarni ishontirib aytishim mumkinki, Maldiv chempionati Osiyoda o'ziga yarasha kuch va o'ringa ega.
- Stadionlarning holati, futbol infratuzilmasi-chi? Chempionat qanday tizimda o'tkaziladi?
- Uy stadionimiz o'z bag'riga 25000 tomoshabinni sig'dira oladi. Maydonning holati a'lo darajada. Men kelgunimga qadar chempionat o'yinlari to'rt davrali bo'lgan ekan. Joriy yildan esa uchta davrada tashkil etilyapti. Bundan tashqari, mamlakat kubogi va Prezident kubogi musobaqalari ham o'tkaziladi. Nufuzi jihatidan OChLdan so'ng ikkinchi o'rinda turuvchi OFK kubogida Maldivning 2ta klubi ishtirok etadi.
- Mamlakat rahbariyati futbolni qo'llab-quvvatlayaptimi?
- Albatta. Aynan shuning natijasida Maldivda futbol jadal sur'atlarda rivojlanib boryapti. Klublar baquvvat homiylarga ega. Mahalliy aholi ham futbolga qiziqishadi. Har bir o'yinga kamida 15 ming muxlis tashrif buyuradi.
- Futbolchilarning o'rtacha maosh miqdori, legionerlarga qancha haq to'lanishi xususida ham gapirsangiz.
- Bu haqida ma'lumotga ega emasman. Har bir futbolchi shartnomasida ko'rsatilgan mablag'ni oladi. Shaxsan mening maoshim sir bo'la qolsin. Lekin shunisi aniqki, O'zbekiston chempionatida berilayotganidan ko'proq pul olyapman.
- Maoshlar vaqtida beriladimi yoki uzilishlar ham bo'ladimi?
- Bu borada hech qanday muammo yo'q.
- Til masalasida ijobiy o'zgarishlar bormi?
- Ha, ingliz tilini o'rgandim. Hozir jamoadoshlarim bilan bemalol gaplashyapman.
- Maldiv chempionatida legionerlarga cheklov yo'qmi?
- Bor. Har bir klub 4 nafardan xorijlik futbolchini ro'yxatdan o'tkazishi mumkin.
- Qaerda yashayapsiz?
- Dastlabki kunlari klub bazasida istiqomat qildim. Keyinchalik esa alohida uy berishdi.
- Murabbiy bilan munosabatlaringiz qanday?
- Yaqinda jamoaga yangi mutaxassis tayinlandi. Hozir serbiyalik Nikola Kovajich jamoamizga murabbiylik qilyapti. Rus tilini yaxshi bilar ekan, ikkimiz ruschada so'zlashamiz. U bundan avval Tojikiston, Shri-Lanka terma jamoalarida faoliyat yuritgan. Dushanbening «Istiqlol» klubi bilan OFK prezidenti kubogini yutgan.
- Klubda sizdan boshqa yana legionerlar bormi?
- Ha, ikki nafar nigeriyalik va bir slovakiyalik futbolchi o'ynaydi.
- Maldiv chempionatida o'zbekistonlik futbolchilar soni ko'payishi mumkinmi? Kimgadir buni tavsiya qilib ko'rmadingizmi?
- Albatta. Legioner maqomida o'ynashni kim ham istamaydi? Nasib qilsa, yaqin kunlarda Maldivda o'zbekistonlik futbolchi paydo bo'lsa, bundan ajablanmayman.
- «Nyu-Radiant» rahbariyati klub oldiga qanday vazifa qo'ygan?
- Faqat chempionlik va o'zimiz ishtirok etadigan kubok bahslarida ham birinchi bo'lish vazifasi qo'yilgan. Ko'z tegmasin, hozircha turnir jadvalida mag'lubiyatsiz peshqadamlik qilishda davom etyapmiz. Kelasi mavsum yana OFK kubogida qatnashamiz. Bu musobaqada imkon qadar uzoqroqqa etib borishni maqsad qilganmiz.
- Bu yilgi OFK kubogidagi ishtirokingiz klub rahbarlari tomonidan qanday baholandi?
- O'rtacha. Chunki mavsum davomida jamoada ikki marotaba bosh murabbiy o'zgardi. Shunday bo'lsada, musobaqada yomon qatnashmadik.
- Jamoa bilan shartnomangiz qancha muddatga imzolangan?
- Shu yil noyabr oyida yakunlanadi.
- Kelishuvni uzaytirish istagi bormi?
- Shu bo'yicha taklif bilan chiqishdi. Lekin shartnomani uzaytirishga shoshilmayapman. Bunga etarlicha asoslar bor. Juda yaxshi sharoitlarga ega ko'plab takliflar tushyapti.
- Qiziqish boshqa davlat klublari tomonidan bo'lyaptimi?
- Xuddi shunday.
- Aynan qaysi jamoalardan?
- Hozircha buni aytolmayman. Chunki hali hech narsa hal bo'lmadi. Ammo shunisi aniqki, bu mamlakat va uning klubi ancha kuchli, Osiyoda o'z o'rniga ega. Tez orada bundan xabar topasiz.
- Tasavvur qiling, jamoangiz O'zbekiston oliy ligasida ishtirok etsa, yakunda 16ta klub orasida nechanchi o'rinni egallashi mumkin?
- Bemalol kuchli beshlikdan joy olardi. Bunga ishonchim komil.
- Shu zayl o'sishda davom etsangiz, sizda milliy terma jamoada to'p surish imkoniyati yuzaga kelishi mumkin. Bu borada ham o'ylab ko'rdingizmi?
- Albatta. Eng katta orzum va maqsadim - milliy termamiz tarkibida maydonga tushish. Aynan shu niyatni amalga oshirish uchun ham kuchliroq chempionatga yo'l olmoqchiman. Nasib qilsa, tez orada meni milliy terma jamoa libosida ko'rasiz, degan umiddaman.
MA'LUMOT UChUN
Alisher Ahmedov
Tug'ilgan sanasi va manzili: 1987 yil 4 avgust, Jizzax viloyati
Ampluasi: darvozabon
Bo'yi: 191 sm. Vazni: 85 kg.
Faoliyati: 2004-2008 - «So'g'diyona»; 2008-2009 - «UzDongJu»; 2009-2011 - «Nasaf»; 2011-2012 «Neftchi»; 2012-2013 - «Registon»; 2013-2014 - «Gefest» (Karaganda, Qozog'iston); 2015 - «Nyu Radiant» (Maldiv orollari)
Manba: "InterFUTBOL" gazetasi
— deya xabar beradi uff.uz nashri.
Bosh sahifaga
401