Dortmundning «Borussiya» klubi yarim himoyachisi Mario Gyottse ba'zi muxlislar va OAVning tanqidlariga tushunmayotganini aytib o'tdi. «Menga hali ham 19 yoshli futbolchiga qaragandek qarashadi, bundan xalos bo'lishim kerak. Menda ham barkamol insonga aylanish davri bo'ldi. Nahotki meni qanday bo'lsam shunday qabul qila olmaydilar? Ba'zi odamlar hushchaqchaq, kirishuvchan bo'lsa, boshqalari tortinchoq va kam gap bo'ladi. Insonlar o'z maqsadlariga turli yo'llar orqali olg'a boradilar. Men maydonda to'liq harakat qilamanmi yoki zaxiradan tushamanmi, har doim ham gol ura olmayman», — deydi Gyottse.
— deya xabar beradi uff.uz nashri.