Bugun bo'lib o'tgan o'rtoqlik o'yinidan so'ng, jamoa bosh murabbiyi Viktor Balyutovich fikrlari bilan qiziqdik. - Viktor Balyutovich, o'yin borasida fikringiz. - Bu o'yinda g'alaba qozonganimiz uchun bizga ochko berilmaydi. Ammo mavsumga tayyorgarlik jarayonida birinchi o'yindagi g'alaba futbolchilarga ruhiy ustunlik beradi. Futbolda bosh omil sifatida g'alabaga bo'lgan tashnalik va ishtiyoqni paydo qilishdir. Mashg'ulotlarda yigitlar zo'r berib ishlashyapti. Bu bahs orqali o'rganilgan vaziyatlarni amalga oshirib ko'rdik. Shuningdek, ko'rikdan o'tayotgan futbolchilar holatini ham ko'zdan kechirdik. Eslatib o'tamiz, "Olmaliq" bugun Antaliyadagi o'zining dastlabki o'rtoqlik o'yinini Qozog'istonning "Akjayik" jamoasiga qarshi o'tkazdi va 3:0 hisobida g'alaba qozondi.
— deya xabar beradi uff.uz nashri.