Futbol jamoaviy o'yin. Unda bugun bu futbolchi tanilsa ertaga unisi shuhrat tog'i cho'qqisiga chiqar edi. «Real Madrid»ning 10 15 yillar oldingi davrini eslang. O'shanda Karlos, Ronaldo, Zidan, Morientes, Oven kabi jahon yulduzlari harakat qilishar edi. Jamoaning muhlislari har bir futbolchini ism sharifini yoddan bilishar edi. Chunki futbolchilar har bir o'yinda ismlarini tabloga yozishga harakat qilishar edi. Karlosning qanot bo'ylab harakati, Zidanning «fint»lari Ronaldoning gollari futbolga bo'lgan mehrni oshirar edi. Huddi shu holat «Barselona» o'yinlarida ham kuzatilar edi. Umumiy qilib aytganda u davrda hech kim qaysidir futbolchi bilan birga o'ynayotganidan emas, o'sha jamoada o'ynayotganidan hursand bo'lar edi. Hozir esa buning aksi. Biz “Men «Barselonada» ekanligimdan baxtiyorman” degan jumladan ko'ra “Men Messi bilan jamoadosh ekanligimdan hursandman degan gaplar ko'proq quloqqa chalinmoqda. Ko'pgina yoshlar orasida futbol tushunchasi Ronaldu yoki Messi bilan chambarchas bog'liq bo'lib qoldi. Bunga ularning ko'rsatayotgan o'yinlaridan ko'ra, axborot olamida tarqatilayotgan xabar va mish-mishlar ko'proq ta'sir qilayapdi. Ronaldu hamda Messi futbol dunyosidagi ko'pgina rekordlarni yangilashdi. Quyida biz internet ma'lumotlar orasida, bu ikki futbolchi etisha olmagan cho'qqilar to'g'risida to'xtalamiz. Jahon Chempionatining eng yaxshi to'purari –Miroslav Kloze (Germaniya) -16 gol Jahon Chempionati haqida gapirganda bu ikki futbolchi ham maqtana olmaydi. Birinchidan bu futbolchilarning hech qaysisi jahon chempionati kubogini boshi uzra ko'tara olmagan. Ikkinchidan chempionatda gol urish bo'yicha juda «kamtarona» ko'rsatgichga erishishgan. Ronalduda gollar soni 3ta. Argentinalik yulduzda 5ta gol mavjud. Chempionlar ligasida g'olib bo'lish bo'yicha rekord sohibi- Fransisko Xento (Real Madrid) 6 marta Bu borada ham bizning «qahramonlarimiz» biroz orqada. Xentodan keyingi o'rinlarni Di Stefano, Paolo Maldini, Kostakurta kabi futbolchilar joy egallashgan. Messi jamoadoshlari Xavi, Pike, Inesta qatori 4 marta bu nomga sazovor bo'lishgan. Ronaldu esa 3 marta. Ko'ramiz, kim birinchi marraga etib borar ekan… Turli jamoalar bilan ChLda g'olib bo'lish bo'yicha –Zeedorf («Ayaks», «Real», «Milan») Bu borada Messining imkoniyati, nazarimda 0%ga teng.  Davomi quyidagi linkda.
— deya xabar beradi uff.uz nashri.